De Jean-Claude an d'Bieren

Hannert deenen mysteriéisen Iwwerpechungen vun de Walplakaten stungen dräi Äisbieren. “Teddy, Boby a Wendy: Esou nenne sech déi 3 “Polar-Bieren”, déi zanter e puer Méint zu Lëtzebuerg sinn. Elo soe si, si hätten d’Wahlplakater iwwerpecht.” Ech fannen dass déi Aktioun aus e puer Grënn gudd ass. Natierlech ass et net korrekt, Wahlplakter ze iwwerpechen, och wann ech bei gewëssenen Plakater méi wéi eng Kéier déi intim Intentioun gehegt hun. Mee an deem heiten Fall gouf d’Walplakat zwar iwwerpecht, mee awer net sou, wéi wann een domat d’Plakat géing futti man. Dann haat déi ganz Saach e gewëssenen Spannungsbou. Immens wor et, och wann ech net weess ob et geplangt wor, wéi dann dräi Leit vun der Police festgeholl goufen. D’Medien hun doriwwer beriicht (wat se net gemaach hätten ouni d’Verhaftung) an ëffentlech spekuléiert, em wéieng 20% et géing goen. Elo an der drëtter Etapp gin d’Fuerderungen da kloër, an déi 3 Äisbieren tauchen ob. D’Äisbieren sin natierlech ideal als Fuerderungssteller. An de Pianocktail – deen eenzegen gréngen Blog a Lëtzebuerg – ennerstëtzt natierlech déi Fuerderung.

Ween dohannert steet, ass natierlech Spekulatiounssaach. Ech géing mech freen, wann den Auteur géing anonym bleiwen, well een sou nämlech all Ressentiment géing divers potentiell Initiatoren (déi Gréng, Greenpeace, WWF etc) kann ausschléissen. Zumols well et vun deenen éischten net fair wier dat ze man, déi zweet éischter fir peniblen Aktionismus (cf. Green Deal an der Chamber) bekannt sin, an drëtt eigentlech besser hätten, hieren éischter rouegen Image ze halen.

Wou ass de Problem? Reklamm ob Facebook, MySpace, StudiVZ an Konsorten funktionéiert net.

Nach méi schlemm ass et, dass dat en aalbekanntenen Fakt ass. An dat gesäit een oft. Et ass net seelen, dass een an enger Zeitung eng Minireklamm gesäit, déi näischt bréngt. Dat betréfft zumols oft kleng Betriiber, déi net d’Suen hun fir e groussen Reklammbudget wechzeblosen. Ech froen mech awer, ob d’Partei déi Reklammen finanzéiert oder ob d’Kandidaten déi Reklammen selwer buchen. Am éischten Fall wier dat en epescht Versoen vun den Agencen, am leschteren Stümpertum vun de Kandidaten.

ADR / ADRenalin

Roy Reding

De Generalsekretär vum ADR an ADR-Urgestein bloggt zënter September 2007. Seng Themen si Gedanken an Ideeën zum Lëtzebuerger Land an zur domat verbonnener Politik. De Blog gesäit net ganz flott aus a gëtt wéineg ënnerhal. Trotzdem reagéiert hien ob Ufroen a Kommentarer, och wann ech seng Meenung net deelen. Bemierkenswäert ass et, dass ech déi éischten Kéier gesinn, dat en ADR Funktionär sech ëffentlech dozou bekennt, eng populistesch Partei ze sin, Zitat “Mier sin noett mei dei eenzeg “Populisten” ”
Aktualitéit: 2
Gestaltung: 2
Userfeedback: 3
Dat mécht: 7 Punkten, knapps Ongenügend.

Alain Frast

Dem Alain Frast – Pressattaché vum ADR – säi Blog hintergedanken (ech muss do ëmmer verschmitzt grinsen) enthält Informatiounen iwwert seng Usiichten, säi Frënd, säi Liewenslaaf an huet Inhaltlech souwuel Privat wéi och Politesches, dat ganzt säit 2007 mat enger flotter Reegelméissegkeet. Säi Blog gewénnt keen Schéinheetsconcours, ass awer trotzdem net ellen an en fleegt en regen Austausch mat sengen Visiteuren. Schued dass dorënner och Leit sinn wéi deen ultra-rietsen, geeschteskranken Pierre Peters (ass dat lo Diffamatioun?)
Aktualitéit: 4
Gestaltung: 4
Userfeedback: 5
Dat mécht: 13 Punkten, wierklech ganz gutt.

CSV / CSJ

Astrid Lulling

Déi Fra, déi de Poopst an de Barack Obama inspiréiert huet, déi Fra, déi den Internet souzesoen erfonnt huet, déi Fra déi d’Gesetzer vun der Physik an der Schwéierkraaft erfonnt huet, bloggt och. Hier Homepage gesäit fuerchtbar aus, mä de Videoblog ass e bëssen méi propper – och wann et en 0815 Blogger.com Theme hat. De Blog ass net ganz flott, mä okay, en ass aktuell. Leider schéngt si keen unzespriechen. D’Videoen gin och net wierklech gekuckt. Interaktives dofir kaum virhanden.
Aktualitéit: 4
Gestaltung: 2
Userfeedback: 0
Dat mécht: 6 Punkten, knapps mangelhaft.

DP /JDL

Tom Heles

Dem Thierry Heles säi klenge Brudder bloggt och. De Claude-Meisch-Jünger deelt seng politesch Gedanken säit onbestëmmter Zäit mat (oder fannen ech den Archive Link net? A lo net fuddelen!), an huet mat “Lauschter op mech” eng innovativ, wann och leider net wierklech reputéiert, Idee huet. De Blog ass aktuell, en verhandelt vill mat sengen Lieser, gesäit awer net wierklech schéin aus.
Aktualitéit: 4
Gestaltung: 2
Userfeedback: 5
Dat mécht: 11 Punkten, gutt sou.

Véronique Bruck

Huet säi Bloggen leider rëm séier opginn. Dofir keng Punkten hei.

Déi Gréng / Déi Jonk Gréng

Philippe Schockweiler

De Phillipe Schockweiler, Chefboss vun deenen jonken Gréngen, ass nach en “new kid”. Säit 2008 bloggt hien, am Schnëtt zwee mol an der Woch. De Blog ass e bëssen bäh fir ze kucken, mä wann een dat den meeschten Leit viirwerft, soen se jo: et kennt ob den Inhalt un. Däers ass vill vill vill do, an och de Phil äntwert sengen Lieser séier.
Aktualitéit: 5
Gestaltung: 2
Userfeedback: 5
Dat mécht: 12 Punkten, ma ganz gutt.

Manuel Huss

De Manuel Huss bloggt ob sengem Blog “Mol Sonn, mol Reen”. E Standard Blog, deen awer flott ausgesäit, vill gefleegt. E beschäftegt sech virun allem mat grénger Thematik, wéineg perséinleches.
Aktualitéit: 5
Gestaltung: 3
Userfeedback: 5
Dat mécht: 13 Punkten, ma ganz gutt.

Marion Muller

D’Marion Muller ass eng vun deenen Jéngsten (net am Sënn vum Alter) Blogger am Eck. Hat bloggt net vill, mä awer iwwert e breet Spektrum. Heiansdo kennt de Blog e bëssen verwahrlost vir. Mee hat mellt sech dann awer ëmmer rëm.
Aktualitéit: 4
Gestaltung: 3
Userfeedback: 3
Dat mécht: 10 Punkten, ma gutt.

Georges Liesch

De Georges Liesch bloggt iwwer alles, net nëmmen parteipolitesch mä och méi generell wat hien interesséiert. Bei 19 Kommentaren huet hien der grad mol 2 an engem Post gemaach. Dat ass net déck. De Blog huet awer vill Biller a gesäit flott aus. Mee wierklech vill gett et hei jo net.
Aktualitéit: 2
Gestaltung: 5
Userfeedback: 2
Dat mécht: 9 Punkten, dat geet.

KPL / JKL

Déi Lénk

Sveinn Graas

De Sveinn Graas ass am Netz schon méi oft opgefall als Viirstoenden Kommentator fir déi Lénk Saach ob Facebook. Dat féiert en ob sengem Blog virun. E propperen Blog mat kloeren Bäitreeg an kloeren Ideeën. En ass immens aktiv a sengen Kommentaren, mécht och mat sengem Hoster kloer, wou en drun ass (Blogsport ass e lenken Blogprovider). De Blog ass vum Ausgesinn Standart, mä flott.
Aktualitéit: 4
Gestaltung: 4
Userfeedback: 5
Dat mécht: 13 Punkten, dat ass ganz gutt.

LSAP / JSL

Christope Schiltz

Lord Krassus. Während aanerer Leit aus der LSAP versoen (Note un all d’Leit vun der LSAP: Reklamm ob Facebook ass en Zeugnis dovunner, dass een keng Ahnung vu Reklamm huet), huet den Schiltz sech eng Agence fir Politikkommunikatioun besuergt an dat gesäit een. En optesch flotten Blog, mat vill Contenu. E Kommentéiert, Twitter, Flickrt, an wat wees ech net nach alles.
Aktualitéit: 5
Gestaltung: 5
Userfeedback: 5
Dat mécht: 15 Punkten, Ehre, wem Ehre gebührt.

All Partei léisst mol eng kommen. Sou och déi Gréng. Während laut hierem Wahlprogramm Edukatioun een vun den dräi Pfeileren ass, huet dat an der Wierklechkeet praktesch Grënn: Offensichtlech brauchen déi Gréng selwer heiansdo Noohellef. Dat gëtt zB däitlech, wann een hieren neien T-Shirt kuckt mat deem se an hierem Grénge Bus ennerwee woren.

Do léiren mir dass Gréng Fraën ob Männer stin, déi recycléiren. An well dat doof kléngt, loossen mer et mat eingem einfachen Trick cool kléngen: Mir soen et ob Englesch. Wann dann do net déi verflixten Grammaire wier. Léif Gréng, “I love boys that recylcle” gett eng Datz. Hisetzen goen.

KORREKTUR: Déi Gréng kënnen hir Grammaire, den Thorben net. Edukatioun ass zu Recht e Grondpfeiler vun der grénger Politik, well sou munches muss do nach gemaach ginn, wéi et schéngt.
Den OED seet eis dozou ënnert dem Antrag zu “that”:

2. Introducing a clause stating something additional about the antecedent (the sense of the principal clause being complete without the relative clause). Now only poet. or rhet., the ordinary equivalents being who (obj. whom) of persons, and which of things.

Dofir hei eng Entschëllegung un déi Gréng. An offiziell: Pianocktail loves boys that recycle. (Chris)

Click here to view the embedded video.

Gesondheetswarnung: Mir rooden dovunner oof, dem Chris säin Drénkspill mat anerem Gedrénks wéi Béier ze spillen. Ween dat mat groussen Béierschluppen mecht huet herno eng am Gesiicht. Wann ee Mensch vu menger Statue (185cm, 80kg) et géing mat Drëpp man, géing ech et ob 4,65 bis 4.95 Promill bréngen, een vum Chris senger Statue suguer ob 5,49 Promill. Wann een Vodka (wat jo üblech ass) géing huelen géing dat suguer ob 6,61 Promill klammen. Déi meescht vun eisen Lieser géingen da wuel de Wee an d’Spidol mol net méi untrieden an géigen direkt an Inoxkeschten kommen. Dat welle mir jo net.

Dofir hei en Drénkspill: all Kéier dass de Ralph “voilà” seet, e Shot. Vill Spaass beim décke Kapp. Extrem witzeg ass allerdéngs och, dass e guer keng Anung ze hu schéngt, wat e selwer wëll oder wat d’adr a sengem Programm seet.

Hei de Video op RTL, deen an enger allerdéngs ganz interessanter Serie steet, an där RTL sech interaktiv mat jonke Politiker ënnerhält. ‘t ass absolut kuckenswäert. A voilà.

[PS: jo, ech man en adr-Politiker rof, mee sou onpolitesch wéi eise Blog och ass, dat däerf jo wuel nach erlaabt sinn. Déi serieux Parteien (Biergerlëscht, CSV, gréng, KPL, Lénk, LSAP) ginn hei dofir ni onofhängeg vun marketingstrategesche Gesiichtspunkten (Internetsite, Goodies, Campagne, etc.) betruecht. Versprach. Hei ass kee Walkampf, mä just e Guide zur Analys dovunner.]

Am Juni sti rem Wahlen un. An et sin net déi éischt Wahlen wou den Internet eng Roll spillt. An awer ass den Internet emmer méi zentral an eisem Liewen gin, an spéidstens nom Obama misst gewosst sin, dat den Internet eng immens Muecht huet. Dat wéssen och bestëmmt d’Parteien a Lëtzebuerg. Pianocktail beäugt kritesch d’Säiten vun de Parteien an hieren Jugendorganisatiounen. Mir gin all Partei eng Lëtzebuerger Schoulnote ob 60 Punkten! D’Partei zielt zu 2/3, d’Jugend zu 1/3 am Schlussklassement. Wee keng Jugendorganisatioun huet, gett dofir net bewäert mee kritt de béisen Fanger vun eis gewissen.

ADR

Wierklech lästeg sin ongefroten Video

D’Partei Den ADR probéiert sech alt rem ze repositionéiren. Bis 2007 haat den ADR en Internetsite dien vun den ästheteschen Gesiitspunkter hier degeulass war. 2007 koum dun en neien Site dien méi flott ze kucken wor, well gesäit den Site ganz nei aus. Et fënnt een alles wichteges, och wann de Site een am Ufank erschléit an et wierklech nerveg ass dass ongefrot Videoen obtauchen. En ass net ganz iwwersiichtléch, an verfehlt och den ADR als eng modern Partei ze weisen, mee de Site mécht den Job. RSS, Twitter an e Parteiblog gett et net. Ausser dee Site mat Kommentarer déi si Blog nennen. En Artikel mat bloggenden Politiker kennt nach noo, déi gin hei net gezielt.

Pianocktail gëtt 39/60 Punkten

D’Jugendorganisatioun verstoppt séch. Et fënnt een en aalen Link, deen dout ass. Wann een no Jugend oder ADRenalin sicht, fénnt een e Pressecommuniqué, déi hier Jugend an hier gudd Aarbecht ennersträicht. Soss fénnt een näischt.

Pianocktail gëtt 6/60 Punkten

Total fir den ADR: 28, knapps ongenügend

CSV

Wéi mecht een en Logo fir d'Jugendpartei? Setz en an Italic!

D’Partei De Site vun der CSV ass propper an iwwersiichtlech. Et ass grafesch uspriechend. Wat stéiert sin déi hallefhäerzeg Versich, Web 2.0 ze sin an bei all Plaatz en “Shiny” Effekt anzebauen, ob en ubruecht ass oder net. D’CSV ass och ob Facebook, mee do ass net méi wéi Artikelen aus dem Wort ze fannen. Mysterium. D’Videoen sin och flott a gudd gemaach, et lount sech professionnel Agencen ze huelen. De Site vun der CSV ass flott a propper, en ass net wow, mee Grondzolitt.Pianocktail gett dofir 47 Punkten.

D’Jugendorganisatioun huet e propperen, klengen Site mat allen wichtegen Informatiounen. Interaktivitéit ass zimmlech niddreg. Och hei ass Bloggen wéi bei den aalen Häeren éischter net ugesot. Mir kennt hier Jugend relativ aal viir. Mee Schwamm driwwer. Net vill Extraes, mee alles wat een braucht. Mir gin 42 Punkten.

Total fir d’CSV: 46, gudd

DP

D’Partei Ob der Startsäit vun der DP iwwerkommen een d’Web 2.0 Schudderen. MyDP mecht mech krank. De Site ass ouni iwwersiichtlecht Konzept ob Däitsch an ob Franséich. De Site gesäit gudd aus, och wann dem Claude Meisch säi Gesiicht do wierklech hénnert. Ween eng Partei mat engem Gesiicht wéll verbannen, sollt dofir och e Gesiicht hun. An net soueent. De Meisch ass net den Obama. Och hei sin e puer Videoen, en puer Radiospots, alles gudd a schéin, mee awer net herrausragend. Mir gin dann mol 46. Minus 2 Punkten fir de Claude Meisch.

D’Jugendorganisatioun ass och vun däer MyJDL Krankheet befall. Ween ass dofir responsabel? Erschéissen! De Site ass wierklech flott gesalt, mat e puer Iergernisser. An en ass ganz ob Lëtzebuergesch. Allerdéngs wierken se heiansdo e bessen obgesat. Hier “Act Blue” Campagn wierkt immens kënschtlech an et gesäit een net wierklech méi dohannert wéi Wahlpropaganda. Et feelen Videoen oder sonsteg Interaktivitéit. Dofir 47. Minus ee Punkt fir Act Blue.

Total fir d’Demokraten: 45, gudd

Gréng

Flott, oder?

D’Partei huet e flotten Site, iwwersiichtlech mee mat vill Informatiounen. Dobäi probéiren si net Web 2.0 auszegesin, obwuel si immens doran engagéiert sin. Léiwer dat, wéi sou prätentiéis wéi déi aaner Parteien ob Web 2.0 ze man. E bessen Interaktioun ass jo schon do, mee net vill méi wéi zB bei der CSV. Dofir och just ee Punkt méi, well et einfach manner gestallt ass. 48 Punkten fir déi Gréng.

D‘Jugendorganisatioun huet einfach e saucoolen Site. Rem net extrem Web 2.0 vu baussen, dofir awer méi Web 2.0 vu bannen. Plus Podcasts, Videoen an RSS Feeds. Hooray. 52 Punkten.

Total fir déi Gréng: 50, ganz gudd.

KPL

Jonk Leit mat Bierenfellmutzen. Am Hannergrond e Mäerder.

D’Partei huet en zimmlech erbäermlechen Site an keng .lu Domain. Ausser Text gett et do näischt. 23 Punkten.

D’Jugendorganisatioun huet e Site mat 3 vun hieren Memberen an Bärenfellmutzen. Dofir gett et vun eis 15 Punkten.

Total fir d’KPL: 21, ongenügend.

Déi Lénk

D’Partei Ech wees jo net wéi dir dat gesidd. Mee ech fannen de Site vun den Lénken einfach gudd. Punkt. Do ass net vill extraes drob, ausser e puer Videoen, mee de Site ass sou kloer an iwwersiichtlech wéi soss keen aaneren Site. Leider ass munches nach net fäerdeg. 46 Punkten.

D’Jugendorganisatioun gett et net.

Total fir déi Lénk: 46, gudd. Mee e béisen Fanger.

LSAP

Säit 2006 huet hei keen méi noogekuckt

D’Partei verstoppt hieren Site hannert engem Teaser fir d’Wahlen. Wann een ob de Site kennt fennt een en charmelosen mee propperen Site. Méi gett et iwwert dee Site wierklech net ze soen. Sorry. 38 Punkten.

D’Jugendorganisatioun huet en loschtlosen Minisite, deen kaum ennerhaalen gett, an dofir nach Handynummeren do stoen huet déi mat 021 ugin. De Site gesäit net ellen aus, mee de Contenu ass ongenügend. 25 Punkten.

Total fir d’LSAP: 34, genügend.

Den ADR ass nach ëmmer belaascht mat der Usiicht se wieren populistesch an hätten keng richteg Motivatioun. Dat loosse mir mol am Raum stoen. Déi lescht Joëren probéiren si sech emmer méi ze repositionéiren. Aus dem Aktiounskomitee 5/6 gouf dann den Aktiounskomitee fir Demokratesch Rentengerechtegkeet an dann elo déi Alternativ Demokratesch Reformpartei.

Am Cader vun hierer Repositionéirung, déi lo schon eng Zäitchen a klengen Stéiss geet, gouf 2007 den ADR-TV agefouert. ADR TV gouf am Ufank vu ScoopTV produzéiert, déi Boîte déi zum Groupe de Presse Nicolas gehéiert. Dat mindert de Viirworf vu Populismus net, wann een wees dat dee Grupp d’Zeitung Lëtzebuerg Privat rausbréngt, eng Zeitung déi ëmmer rem duerch mangelhaften Journalismus obfällt, duerch Liggen an Hetzcampagnen. Außerdem gouf dëss Sendung am Ufank aus Café’en gefilmt. Et kéint een zwar argumentéiren, dat géing Volleksnooheet demonstréiren, aanerersäits gëtt een awer sou de Viirworf vu Stammdéschpopulismus net lass. Dat schéngen se och rausfonnt ze hun, si senden well virun neutralem Hannergrond. Awer ass et nach ëmmer eng mëttelméisseg produzéiert Sendung. Et sprécht näischt géint Amateurvideo’en generell, wann een awer well eeschtgeholl gin, muss een sou Saachen richteg man, an net hallefhäerzeg. Hallefhäerzeg ass dann och d’Tatsaach, dass déi Videoen einfach just blann robgelueden gin, an dofir entweder gestrechted, ge’letterboxed oder suguer ge’windowboxed sin. Deen eenzeg seriö’en Video ass deen vun hierem Metro City-Tunnel. Deen ass allerdéngs och vun enger Agence namens medienbox produzéiert – eng Agence aus Däitschland ugestallt vun enger Agence aus Lëtzebuerg.

Den ADR versteet dat Video’en wichteg an extrem kraaftvoll sin, mee se verstin net, wéi empfindlech se sin. Wann si hier Kandidaten an Video’en viirstellen, ass dat eng super Iddi. Mee dann dierf et net sin, dass Kandidaten do mam Sonnebrëll stin an hier Nolauschterer net an d’Aen kucken. Et ass och net rühmlech, wann een seet dass d’politesch Motivatioun ass well een “léif vu Bekannten gefrot gouf” oder behaapt seng Stäerkt wier “ech ka mech gudd upassen, ech beschwéiren mech net fir eppes, wann een mech eppes freet soen ech emmer direkt nee, dono ass et awer jo” – dann awer behapten si hätten keng Schwächten. Och Leit déi, während se iwwert den “versautenen Schoulsystem” meckeren, den Androck man se géingen vun engem Teleprompter oofliesen, den John F. Kennedy “jiiiih-efff-kaaah” vernennen wierken einfach pathetesch. Ech well dofir guernet jugéiren, ob déi Leit lo gudd oder schlecht Kandidaten sin. Mee Wahlen sin en eenzegen Schéinheetscontest. An do ass keng Platz fir éierlech Meenungen oder perséinlech Feeler, mee et geet drëms wien seng Punkten am beschten verpaakt kritt, sou dat se de Leit gefaalen. An do ass keng Platz fir dilletantesch Video’en. Et ass keen Zoufall, dat Politiker mat groussem Afloss ganz oft bal perfekt duerchchoreographéiert gin a Leit hun déi fir se hier Rieden schreiwen.

An engem Video prangert den ADR d’Slogans vun den Parteien un déi näischtsoend wieren, sou wéi “Nei Weer wielen”, “Mir paken et un”. De Slogan vun hierer Positionéirungscampagne ass – villsoend – “Maach mat!”. Fairerweis muss ee soen dat dass net hieren Slogan ass. Hinnen hieren Geniesträich, hieren neien Slogan, ass souwäit ech dat matkritt hun: Mir wëllen behalen wat mir hunn. Net nëmmen dat se mat désen Slogan vu Lénksaktivisten einfach an den Eck geréckelt gin mat deenen Brongen, nee, “ech hoffen, datt mir dat behale wat mir hunn” ass och nach en Zitat vum Jean-Claude Juncker. An villsoend ass och dése Slogan net.

Schlussendlech ass d’Homepage vum ADR net optimal. Et huet een d’Gefill, se gouf eng Kéier vu Profien entworf, an dann vun Amateuren weidergefouert. En ass iwwregens vun der Firma RDTS aus Tréier gehost. Do gëtt zum Beispill de Begrëff Blog méssbraucht (leider kann een net richteg verlinken, well se Sessions benotzen, ob dem heiten Link no Mach Mat Blog sichen). E Blog ass net einfach nemmen e Site mat Neiegkeeten. Features wéi RSS feelen. Dobäi missten se et besser wessen, den Alain an de Roy hun och hieren Blog a sin suguer ob Facebook. Woubäi just dem Alain Frast säi Blog d’Impressioun vermëttelt, hien géing d’Wichtegkeet an d’Kraaft vu sou Outil’en verstoën an en ass och hallefwegs am Web 2.0 ukomm. Zrèck zur Homepage. Do gëtt emmer rem den Design vun schlechtem Textsaatz auserneen gerappt. Emmer rëm sin – sou bei der Säit zu den Europawahlen – Grafiken, déi net zum soss professionellen Erscheinungsbild vun der Homepage passen. Et wierkt geschoustert.

Den Obtrëtt vum ADR am Internet verbockt e bëssen hiert obtrieden. An dat läit net u mangelden Suen. Eng aaner, nach méi kleng Partei, déi Lénk, maan et viir. Hieren Site ass méi kleng, wierkt awer méi seriö.

Et ass leider sou, dat bei Reklamm méi de Schäin zielt, wéi den Contenu. Dat ass menger Meenung noo net richteg, mee et ass eng Realitéit. An Réalitéiten gellen och fir den ADR. An dofir brauch eng Partei, egal ob se grouss oder kleng ass, en kohärenten Marketing. An net dat Gepiddels wat den ADR do viirleet.

Update 31 Mäerz: ech hu grad gelies, hiere Motto wier “mir wëllen erhaalen, wat mer hun”. Dat ännert natierlech alles. An eng Partei, noo däer meng Mamm a mai Papp net dierfen nieft hierer däitscher Nationalitéit déi Lëtzebuergesch “als Accessoire” (sou ongeféier den Tounfall) unhuelen (si liewen säit 46 bzw 30 Joer hei), huet keng Léisung fir mech. Och wann dat een vun hieren Slogan’en ass.

Update N°2 – 31 Mäerz: Vu Bloggen versteet och d’DP näischt. D’CSV e béssen méi an déi Gréng am meeschten. Déi Lénk wessen net wat e Video-Podcast ass.