19:27 Et geet lass. First things first:
Wiem ech d’Präisser wënschen:
Beschte Film – A Serious Man
Bescht Regie – Kathryn Bigelow
Beschte Schauspiller – Colin Firth
Bescht Schauspillerin – Gabourey Sidibe
Beschten Niewenduersteller – Christoph Waltz
Bescht Niewenduerstellerin – Vera Farmiga
Bescht originalt Dréibuch – A Serious Man
Bescht adaptéiert Dréibuch – In the Loop
Beschten auslännesche Film – Un prophète
Beschten animéierte Film – Fantastic Mr. Fox
Beschten Documentaire – The Cove
Beschte Schnëtt – The Hurt Locker
Beschte Kamera – The Hurt Locker
Bescht Art Direction – Avatar
Beschte Kostümdesign – Bright Star
Beschte Makeup – District 9
Beschte Filmmusek – Up
Bescht Lidd – “The Weary Kind” aus Crazy Heart
Sound Editing – The Hurt Locker
Sound Mixing – The Hurt Locker
Visuell Effekter – Avatar
Bei de Kuerzfilmer hunn ech ausser Wallace and Gromit: A Matter of Loaf and Death kee gesinn, an enthale mech dofir.

19:46 Pizza ass fäerdeg. Lo kucken ech mol The Hurt Locker. Bis an zwou Stonnen.

21:49 Dee Film ass sou verdammt gutt. Ech denken, wat vläicht Leit interesséiere kéint, ass wéi ech generell iwwert all d’Oscar-nominéiert Filmer denken. Dofir hei mol eng schéi Lëscht, wéi ech se klasséiere géif.
1. Un prophète
2. A Serious Man
3. Bright Star
4. Fantastic Mr. Fox
5. The Hurt Locker
6. Il Divo
7. Star Trek
8. The Princess and the Frog
9. Coraline
10. A Single Man
11. Up in the Air
12. Harry Potter and the Half-Blood Prince
13. In the Loop
14. The Messenger
15. The Lovely Bones
16. The Cove
17. District 9
18. An Education
19. Food, Inc.
20. Crazy Heart
21. Julie & Julia
22. Coco Avant Chanel
23. Avatar
24. Up
25. Das weiße Band
26. Inglourious Basterds
27. Precious: Based on the Novel Push By Sapphire
28. Sherlock Holmes
De Rescht (The Blind Side, The Last Station, Nine, Invictus, The Imaginarium of Doctor Parnassus, The Young Victoria) hunn ech net gesinn.

22:05 D’Sandra Bullock kann haut en Oscar fir d’bescht Schauspillerin gewannen – gëschter huet et schon e Razzie entgéint geholl fir déi schlechteste Schauspillerin. An dat ass, definitiv zimlech cool vun him gewiescht:

Click here to view the embedded video.

22:08 Hei fannt der iwwregens eng Lëscht mat Links zu Livestreams fir d’Zeremonie herno.

22:22 Vill diskutéiert gouf jo déi ominéis 10 – d’Erweiderung vum Feld vun de fir de beschte Film nominéierte Filmer. Wat enorm interessant ass, an grad esou frustréierend, ass, dass se och d’Regel wéi d’Stëmmziedelen an der Topkategorie ausgezielt ginn, geännert hunn. Dat heescht et ass net méi de Film, deen no engem Wahlgang vir ass, dee gewënnt, mä et ass e preferential ballot system. D’Stëmmen, déi am éischten Duerchgang un dee Film gaang sinn, deen am mannste Stëmme krut gi verdeelt op dem Ziedel seng Zweetstëmmen. Déi Prozedur gëtt widderholl, bis dass ee Film méi wéi 50% vun de Stëmmen huet. Dat heescht am Endeffekt kann et entscheedend sinn, wéiee Film déi meeschten Zweet- an Drëttstëmme krut, dat heescht dee Film, deen duerch d’Bank am beléiftesten ass, gewënnt.

22:54 Gläich geet d’Red Carpet Show lass. Yay! Schéi Kleeder… Ech tippen, dass d’Carey Mulligan am Beschten ugedoen ass, bei den Hären dierft et wuel den Colin Firth sinn. Obwuel de Christoph Waltz…

23:08 Red Carpet Show… dat do ass nach net déck. Ech wëll Kleeder gesinn.

23:11 “The sense of a woman, it comes from inside of her.” Ech wëll wat d’Patricia Field gedronk/gesoff huet.

23:12 Et reent. D’Avatar Leit hu sech gëschter anscheinend d’Sau gestallt an engem Restaurant erzielt de Stephen Lang grad.

23:20 De Sam Worthington seet “I’m sick of seeing my face”… ech och, Sam, ech och.

23:22 “We’re seeing so much colour on the red carpet. Zoë Saldana… in her beautiful red (?) dress.” Fir ee Moment hat ech geduecht, do hätte mer scho mol e schéint rassistescht Statement gehat.

23:32 Uh, déi Fra, déi vum Sandra Bullock an The Blind Side gespillt gëtt, ass e richtege Redneck. Nice. Vice-presidential campaign 2012?

23:35 Den Jacques Audiard an den Tahar Rahim si sou cool. Ech géif gär sou en toppen Hutt undoe kënne, wéi den Audiard…

23:38 Ech gesinn den Alexandre Desplat am Hannergrond. Iwwerraschenderweis ass den Tom Ford gutt ugedoen.

23:42 “Did you have a little cry before you came her tonight?” – “Not really, no. I had a sandwich!” Den Jeremy Renner ass brillant.

23:47 Ech fannen d’Mo’Nique wierklech onsympathesch. Ech hunn Angscht, dass et den Owend Gott wäert merci soen. Ech haassen et, wann se dat maachen.

23:48 D’Diane Krüger hätt säi Rack sollen umoossen, virun deem et den Owend op de Red Carpet gaang ass. De Ryan Reynolds ass ouni d’Scarlett do, well hatt um Broadway ass.

00:00 Hu grad gemierkt, dass ech keng Kichelcher méi hunn. Panik.

00:04 Den Anthony Mackie huet Avatar gedisst. Wann een de beschte Schauspiller an The Hurt Locker war, däerf een dat.

00:07 De Lee Daniels ass mat senger Duechter do. Deen Typ ass allerdéngs sou camp, dass ech mech froen, wéi déi Fra, déi hien geschwängert huet net mierke konnt, dass e schwul ass. Fuerchtbar sympathesch, mä ech fanne säi Film guer net gutt.

00:14 D’Maggie Gyllenhaal an de Peter Sarsgaard solle vill Kanner maachen… schéi Mënschen.

00:18 De Matt Damon gesäit aus wéi de Michael C. Hall.

00:24 Den Christoph Waltz huet hoffentlech eng gutt Ried virbereed, eng déi méi BAFTA Ried a manner Golden Globe Ried ass. Ech mengen de Jacques huet iwwregens den Tiebreaker fir sech entscheed, mat sengem Tipp, dass d’Meryl Streep am beschten ausgesäit.

00:28 Ech gleewen dem Quentin Tarantino, dass e gëschter gefeiert huet, well seng Stëmm ass komplett fort. Gutt fir hien, dass en haut keng Ried hale muss. *houscht*

00:30 Den Jeff Bridges ass grad ukomm, wéi et ausgesäit. Ech sinn ëmmer rëm faszinéiert, wann ech héieren, dass hien säit 33 Joer mat senger Fra bestued ass. Hollywood ass awer net ëmmer sou e Karussell, wéi d’Leit soen.

00:34 D’Kristen Stewart gesäit rëm sou gelangweilt aus. Gott, laach, Meedchen, laach. Huel de e Beispill um Gabby Sidibe.

00:37 A wou mer grad bei Twilight sinn, den Taylor Lautner ass do an en ass net topless. Ech hat fest domat gerechent, dass en säi Sixpack géif weisen…

00:41 Nach zwanzeg Minutten bis dass et lass geet. Ech mengen de Keanu Reeves huet The Blind Side net gesinn, a war lo um falsche Fouss erwëscht ginn, wéi e gefrot gouf, wat e vum Sandra Bullock senger Performance hale géif.

00:44 Ech mengen ech hunn d’lescht Joer scho mol erwient gehat, dass et onfair ass, dass d’Miley Cyrus däerf do sinn. Grrr…

00:46 Den Gerard Butler ass grad ukomm. Hien huet iwwregen Droit u menger Universitéit studéiert. Säi Wëssen aus deem Studium huet en dunn agesat fir de Perser Gerechtegkeet bäizebréngen. Spartaaaaa!

00:49 Okay, d’Kate Winslet kéint Best Dress gewonn hunn… wow!

00:50 Et ass e bësse schued, dass d’Kate dëst Joer keng Haaptroll a mengem Liveblog spille wäert. Däerf ech sou maache, wéi wann et rëm nominéiert wier? Menger Meenung no, huet hatt all Joer e Präis verdéngt. Bescht Lieblingsschauspillerin vum Chris. Dat wier mol eng Oscarkategorie.

00:59 War op d’Toilett, nei Cola, ready to go…

01:03 Et wäert jo bal ugoen, Sky Movies, djö.

01:10 Kann et sinn, dass et réischt um halwer wierklech lass geet? Ech froe mech grad, firwat ech mer dat ni verhale kann.

01:16 Mäi Stream ass fort. P-A-N-I-K.

01:24 Am Moment leeft et. Hoffe mer, dass et sou bleift. Ech hunn am Moment näischt interessantes ze soen.

01:30 Lo geet et endlech lass. Mä SkyMovies mengen, se missten nach en blöden Clip mat fréiere Gewënner weisen.

01:31 Eng Rei nominéiert Schauspiller stinn op der Bühn. Wat dat sollt, weess ech net.

01:32 Den Neil Patrick Harris sengt an danzt. Hien ass immens, mä d’Nummer ass bei Wäitem net sou gutt, wéi dem Hugh Jackman seng.

01:37 Deen Opening Monologue ass bis well eng Katastroph.

01:40 Et gëtt net besser.

01:43 Ok, de Christoph Waltz Witz war gutt.

01:45 A vue dass d’Penelope Cruz lo de Präis fir Best Supporting Actor iwwerreescht, wäert e gläich eppes ze soen hunn.

01:47 Ech hunn d’Gefill wéi wann dat hei eng ganz laang Nuecht gi wäert, wann ech mer déi ganz Prozedur do ukucken. Mä anscheinend däerfen d’Laureate jo net méi wéi 45 Sekonne schwätzen, souguer d’Schauspiller. Ech wier schockéiert, wann et sou wier.

01:49 “And the winner is…”? Wat ass mat “And the Oscar goes to…” geschitt? Op jidfer Fall, de Christoph Waltz huet deen Oscar verdéngt.

01:51 D’Ried war kuerz… de Ryan Reynolds schwätzt grad iwwer The Blind Side. Dee Film gesäit sou fuerchtbar aus.

01:53 Reklammen. Bis well: Show schwaach. De Waltz e wierdege Gewënner.

01:56 D’Cameron Diaz an de Steve Carell si wesentlech méi witzeg wéi den Steve Martin an den Alec Baldwin. Well d’Show net funktionnéiert. Déi Rieden vun den animéierten Nominéierten si wierklech witzeg. De Fantastic Mr. Fox ass genee sou classy wéi am Film.

01:59 Up gewënnt fir de beschten animéierte Film. Sou eng Schan, well et wierklech e schwächeren Pixar Film ass, an mat Fantastic Mr. Fox, The Princess and the Frog a Coraline wierklech dräi genial Filmer mat nominéiert waren.

02:01 Ech haassen d’Miley Cyrus. Best Original Song. Ech haassen d’Miley Cyrus.

02:02 An et ass eng Frechheet, dass d’Lidder net performt ginn. Wann iech d’Lidder sou egal sinn, sträicht d’Kategorie einfach ganz.

02:05 Yes, “The Weary Kind” gewënnt. Sou e schéint Lidd.

02:06 Dass de Chris Pine District 9 ukënnege muss fannen ech eng zimlech Frechheet, vue dass hien jo a Star Trek, dem grousse “Konkurrent” wat Sci-Fi ugeet ass.

02:07 Rëm Reklammen. Martin a Baldwin funktionnéiert nach ëmmer net. Dass d’Miley Cyrus do ass, huelen ech als Beleidegung op. De Steve Carell an d’Cameron Diaz ware wierklech witzeg. Fir déi, déi et net gesinn hunn. De Steve ass an der leschter Minutt fir den Jude Law agesprong, an d’Produzenten hu vergiess den Teleprompter ze änneren. Dofir huet d’Cameron de Steve dunn Jude genannt. Et war awer dofir immens, dass d’éischt Zeil, déi de Steve sot “When you look as good as Cameron and I…” oder sou war.

02:12 Deen Typ vu SkyMovies sot grad The Hurt Locker wier “funny”. Ech hunn de Film véier Mol gesinn, an ech weess net wat hie mengt.

02:14 Firwat hosten de Robert Downey Jr an d’Tina Fey net? Genial!

02:16 De Mark Boal gewënnt fir d’bescht Dréibuch fir The Hurt Locker. Den éischte vu ville Präisser, wéi ech hoffen. PS: wéini ginn de Mark Boal an d’Kathryn Bigelow zou, dass se zesumme sinn?

02:19 Eng Montage iwwer John Hughes Filmer.

02:22 A lo schwätze Schauspiller aus senge Filmer iwwert hien. Dat do huet näischt bei den Oscars verluer, wa gläichzäiteg d’Präisser fir d’Liewenswierk net méi dierfen an der Show sinn. Déi ganz Show ass bis lo schrecklech. A lo presentéiert de Samuel L. Jackson Up a seet eppes iwwer “not real people at all” – Schauspiller si grad sou wéineg “real people” an hire Rollen wéi animéiert Charakteren. Lo ass iwwregens eng Stonn vergaang a mer si réischt duerch véier Präisser. ‘t ass ganz ustrengend.

02:29 Kuerzfilmer. Hei sinn ech lo richteg gespaant, wéi meng Tipps ofschneiden.

02:32 Mäin éischte falschen Tipp, vue dass Logorama fir animéierte Film gewënnt. Ech sinn iwwerrascht. Gutt Ried!

02:36 A mäin zweete falschen Tipp, vue dass Music for Prudence fir de kuerzen Documentaire gewënnt. Wéi d’Gewënner vun der Bühn gespillt goufen ass stillos. An direkt mäin drëtte falschen Tipp, vue dass och de live action Kuerzfilm net gewonn huet, deen ech getippt hunn. The New Tenants ass de Gewënner.

02:39 De Ben Stiller ass als Na’Vi geschminkt. Ech froe mech ob en den Tutorial op Pianocktail gesinn huet.

02:42 Natierlech ass de Gewënner Star Trek.

02:44 Den Dude presentéiert de beschte Film, deen fir de beschte Film nominéiert ass. A Serious Man. Dat ass wierklech den ee gudde Grond, dass se d’bescht Filmkategorie erweidert hunn. Lo si rëm Reklammen an ech leien an eisem Tippspill vir, hunn all d’Kuerzfilmkategorien falsch getippt an de Rescht richteg gehat.

02:48 Bescht adaptéiert Dréibuch. An de Gewënner ass Precious! Wow, ech hätt wierklech geduecht, dass den Jason Reitman hei gewënnt.

02:52 Ech gesinn, wéi se an der Regie geduecht hunn. E Schwaarzen huet gewonn, séier, weis dem Morgan Freeman seng Reaktioun. A lo ass och nach d’Queen Latifah do, et ass e fiichten Dram fir all Mënsch, deen sech fir Rassegerechtegkeet asetzt.

02:56 Uh, de Robin Williams. Gutt Ried.

03:00 An natierlech gewënnt d’Mo’Nique fir d’bescht Niewenduerstellerin. Dat war jo keng Fro. Sou eppes vu kloer. Perséinlech hätt ech d’Vera Farmiga gewielt, mä et kann ee schlecht mat deem Choix streiden.

03:02 De Colin Firth huet grad An Education presentéiet. Oh Gott, dee Mann ass sou charmant. Meng Frëndin ass verréckt no him, an ech verstinn et.

03:05 Okay, bei Sky wëssen se net wat dem Mo’Nique säi Statement iwwer “performance not politics” sollt. Erklärung: et geet drëms, dass d’Mo”Nique sech geweigert huet eng Campagne fir seng Performance matzemaachen, an dofir vill kritiséiert gouf.

03:07 D’Sigourney Weaver ass an Avatar a soll dofir net de Präiss fir Art Direction iwwerreeschen. Éierlech, wat soll dat? Natierlech huet Avatar verdéngt gewonnen.

03:10 Den Tom Ford an d’SJP iwwerreeschen den Oscar fir… na… wat wuel? Richteg, Kostümdesign. An natierlech gewënnt fir d’véierte Kéier hannereneen Marie Antoinette.

03:12 Gutt Ried vum Sandy Powell, vill besser wéi wou et seng verstuerwen Schneiderin bei de BAFTAs als “replacable” bezeechent huet.

03:16 Et ass wierklech eng Schan dass déi Leit bei SkyMovies keng Anung hunn, wien den Neil Patrick Harris ass. Setzt dach Leit dohin, déi eng Anung hunn.

03:19 D’Twilight Kanner presentéieren eng Montage iwwer Horrorfilmer. Well, dir verstitt, Twilight ass den Horror, den Horror. D’Kristen Stewart gesäit rëm aus, wéi wann et sech näischt méi langweileges virstelle kéint.

03:26 The Hurt Locker gewënnt fir Sound Editing. An domat huet sech d’Fro wien fir de beschte Film gewënnt wuel erleedegt.

03:27 An The Hurt Locker gewënnt och am Sound Mixing. Domat tippen ech, dass et nach laang net riwwer ass fir de Film den Owend.

03:30 Ech hunn zweemol op Avatar getippt gehat an dofir leien ech lo zesumme mam Céline un der Spëtzt vun eisem Oscar Pool. Dat gëtt och nach spannend.

03:35 Cinematography. D’Sandra Bullock ass top. An Avatar gewënnt do… wat leeft? Ech hunn all d’Technicals verkéiert.

03:38 In memoriam.

03:42 Hunn ech lo ee Moment net opgepasst, oder hunn se de Roy Scheider vergiess?

03:44 Déi Show ass wierklech net gutt. Bis well mëssfällt mer sou zimlech all Deel. De Sound ass katastrophal, d’Presenter si schlecht gewielt, et ass net witzeg. Insgesamt extrem, extrem enttäuschend.

03:47 Okay, mir hunn Dänzer, déi zu den nominéierten Original Scores danzen, mä keng Zäit fir d’nominéiert Songs virzedroen. Den The Hurt Locker Score erënnert mech iwwregens ëmmer un d’Musek an Dexter.

03:50 Dat do kann net hiren Eescht sinn.

03:52 Fuerchtbar. Wa lo nach Avatar gewënnt, schloen ech iergendeppes futti. Mä et ka just Up sinn, oder?

03:53 Yes. An ech fannen se solle wierklech nächste Kéier ee fannen, deen Desplat an Giacchino ausschwätze kann. Well, ech rege mech ëmmer rëm doriwwer op.

03:55 Shocker! Avatar gewënnt fir Visual Effects. The little film that could.

03:58 Wéi lächerlech ass et eigentlech, dass d’Leit déi d’Best Picture Nominees virstellen op engem Podest stinn, wat hannert de Leit an de viischte Reien ass. Ech si mer sécher, d’Meryl Streep hätt och gär den Jason Bateman lo just gesinn.

04:00 D’Reiefolleg vun de Filmer wéi se iwwregens presntéiert ginn, gëtt mir d’Gefill, wéi wa se géifen wéi an enger Castingshow rofgezielt ginn. Et feele lo nach Avatar an The Hurt Locker… Zoufall? Dee Film deen als nächst virgestallt gëtt, gewënnt net. Wetten?

04:02 De Matt Damon presentéiert d’Documentairen. Et dierfen also och wierklech Stars Präisser iwwerreeschen.

04:05 An The Cove gewënnt natierlech.

04:07 Ech hu keng Anung wien deen Typ ass.

04:09 The Hurt Locker gewënnt fir de beschte Schnëtt, mä gëtt als nächst virgestallt. Domat ass Avatar wuel de Gewënner fir beschte Film, wa meng Logik vu virdrun richteg ass. Hoffentlech ass se et net.

04:13 Den Typ bei SkyMovies huet Un prophète net gesinn, well den Tahar doranner eng Gillette an de Mond hëlt. Idioten, w.e.g. haalt op.

04:16 Ee vun de gréisste Regisseuren aller Zäiten dierf haut de Präis fir de beschten auslännesche Film iwwerreeschen. De Quentin Tarantino ass och do.

04:17 An den Oscar geet un Argentinien! El Secreto de Sus Ojos gewënnt. An domat katapultéieren ech mech un d’Spëtzt an eisem Oscar Pool.

04:23 Lo nach déi grouss Véier. Ech hunn Angscht ëm The Hurt Locker gehat. Mä mir fällt an, se hun déi Show jo konzipéiert virun deem se d’Gewënner woussten, dofir berouen ech mech rëm.

04:26 Michelle Pfeiffer, Vera Farmiga, Julianne Moore, Colin Farrell, an Tim Robbins heeschen d’Presentatoren fir de beschte Schauspiller.

04:41 Okay, dat hei war lo natierlech de richtege Moment fir mäi Firefox fir den Hick ze kréien. Den Jeff Bridges huet fir Crazy Heart gewonn, an ech hätt wierklech gär d’Ried héieren. Mä bon, et hätt net solle sinn.

04:45 Stream ass fort.

04:49 A just mat Zäit ass mäi Stream zréck, fir dass ech gesi kann, dass d’Sandra Bullock gewonn huet. “Carey, your beauty and your talent makes me sick!” D’Sandra Bullock ass sou immens. Och wann ech him nimools en Oscar ginn hätt.

04:53 Ech ginn all Kéier s rosen, wann se soen, dass Avatar den erfollegräichste Film aller Zäiten ass. Inflatioun, Kanner, Inflatioun.

04:55 Yeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeesssssssssssssssssssssssssssssssssssssssssssssssss. Wéi d’Barbra kuerz gepaust huet, hunn ech wierklech geduecht de Cameron hätt gewonn.

04:56 D’Kathryn Bigelow ass eng foxy bal 60jähreg Fra. Ech kann et ni gleewen, wann ech hatt gesinn.

04:58 Moment of truth. Den Tom Hanks verkënnegt, dass The Hurt Locker gewonn huet.

05:03 Et ass riwwer an um Schluss ass alles extrem séier gaang. An dat huet am Fong d’Kiischt op en insgesamt zimlech ongelongenen Owend gesat. Während ech mech freeën, dass mat The Hurt Locker e wierdege Film gewonn huet, war d’Show desastréis an ech hoffen d’Ratings waren net gutt, fir dass den Adam Shankman a Bill Mechanic net nach emol dierfen sech u mengem léifsten Owend vum Joer vergräifen. Ech gi lo schlofen, a stinn an net emol véier Stonne rëm op vir an eng Virliesung iwwer Literatur an Ecologie ze goen. Ech hoffen et huet iech gefall. Nächst Joer maachen ech et nees. Bis dann.

Beschte Film
The Curious Case of Benjamin Button

Bescht Regie
David Fincher, The Curious Case of Benjamin Button

Beschten Haaptduersteller
Mickey Rourke, The Wrestler

Bescht Haaptduerstellerin
Kate Winslet, Revolutionary Road

Beschten Niewenduersteller
Heath Ledger, The Dark Knight

Bescht Niewenduerstellerin
Kate Winslet, The Reader

Bescht originalt Dréibuch
Arnaud Desplechin, Un Conte de Noël

Bescht adaptéiert Dréibuch
Maurizio Braucci, Ugo Chiti, Gianni di Gregorio, Matteo Garrone, Massimo Gaudioso, Roberto Saviano, Gomorra

Beschte Schnëtt
Elliott Graham, Milk

Bescht Kamera
Wally Pfister, The Dark Knight

Bescht Art Direction
Donald Graham Burt, The Curious Case of Benjamin Button

Beschte Kostümdesign
Jacqueline West, The Curious Case of Benjamin Button

Beschte Make-up
Greg Cannom, The Curious Case of Benjamin Button

Beschte Filmmusék
Alexandre Desplat, The Curious Case of Benjamin Button

Beschte Song
Bruce Springsteen – “The Wrestler”, The Wrestler

Beschte Sound
Tom Myers, Michael Semanick, Ben Burtt, Wall-E

Bescht Soundeffekter
Ben Burtt, Matthew Wood, Wall-E

Beschte visuell Effekter
Eric Barba, Craig Barron, Burt Dalton, Steve Preeg, The Curious Case of Benjamin Button

Beschten animéierte Film
Waltz with Bashir

Beschten Documentaire
Man on Wire

Bescht Ensemble
Un Conte de Noël

Beschten Optrëtt vun engem Objet
Stull, Burn After Reading

Breakthrough Award
Michael Fassbender, Hunger

Beschten Combination Score
Il Divo

Beschten Titelsequenz/Schlusssequenz
Slumdog Millionaire

Bescht Tagline
In Bruges, “Shoot first. Sightsee later.”

Beschten Trailer
Revolutionary Road

Dustin Lance Black, Best Original Screenplay

Click here to view the embedded video.

Kate Winslet, Best Actress

Click here to view the embedded video.

Sean Penn, Best Actor

Click here to view the embedded video.

00:53 Schéine gudden Owend awer nach, d’Marisa Tomei gesäit … hach … aus.

00:56 “A Hi to anyone who’s mad enough to stay up and watch this!” D’Kate Winslet huet mir gewénkt!!

00:58 Am Internet kurséiert d’Gerücht, dass Waltz with Bashir géint de japanesche Film Departures den Oscar verléire kéint. Ech gleewen drun, dass Waltz gewënnt, mee vu dass ech ëmmer enttäuscht ginn, wier ech o net iwwerascht. Ech soe just Gomorra.

Frost/Nixon

Click here to view the embedded video.

01:07 Ech hu grad gelies, dass bis halwer all d’Teléssender mussen vum Red Carpet wegschalten. Dat ass okay, ech hu grad d’Natalie Portman an engem wonnerschéine rosa Rack gesinn. Dat geet mir duer.

01:12 D’Kate Winslet dréit en Yves Saint-Laurent Rack, falls et iergendeen interesséiert. Ah jo.

Milk

Click here to view the embedded video.

01:15 Ech froe mech grad firwat d’Heidi Klum bei d’Oscars dierf, an ech net. D’Liewen ass net fair. Wat huet d’Heidi Klum do verluer? D’Miley Cyrus hält jo och keng Ried bei der TED Konferenz.

01:21 Oh Merde, déi wäerten haut jo na ophalen iwwer d’Kleeder ze schwätzen. Ech gi mer eppes ze drénke sichen.

01:22 En Zesummeschnëtt iwwer britesch Oscargewënner, a wéiee Lidd leeft am Hannergrond? Natierlech “Viva la Vida” vu Coldplay. Dat Lidd a “Gobbledigook” sollte fir sou eppes verbuede ginn.

The Curious Case of Benjamin Button

Click here to view the embedded video.

01:32 An et geet lass! Wëllkomm zu den 81. Academy Awards! Vill Gléck Hugh Jackman, dass de dat gutt hikriss.

01:39 Coolsten Optakt ever! Standing Ovations.

01:44 Eng Montage iwwer Supporting Actresses. Meh. Dat ass e riesegeN Downer nom Jackman sengem Danz a Gesang, deen absolut brilliant war.

01:46 Oscar fir d’Niewenduerstellerin. Fënnef Presentatricen, déi mol de Präis gewonn hunn. Go Penélope.

01:49 Féck, wann se sou viru fueren, geet déi Show bis an d’Onendlechkeet weider. 20 Minuten a nach näicht iwwereescht. Déi fënnef Dammen schwätze jo ganz schéin, mee et hält net op.

01:50 The Oscar goes to… Penélope Cruz. Hatt seet dem Pedro Almodóvar merci. Sweet. :)

01:54 D’Screenplay Awards komme lo. Tina Fey a Steve Martin. “It has been said that to write means to live forever.” – “The man who said that is dead.”

01:58 Den Oscar fir Original Screenplay geet un Milk. Den Dustin Lance Black mat enger schéiner Prop 8 Kritik. Genial Ried.

02:01 Adapted Screenplay. Alles anescht wéi de Simon Beaufoy wier eng rieseg Iwweraschung.

02:03 Voilà. Slumdog Millionaire gewënnt alt rem e Präis. Ech son lo mol, dass et ee vun 7-9 den Owend ass.

02:05 D’Jennifer Aniston an den Jack Black presentéiren beschten animéierte Film.

02:08 Eng Montage iwwer animéierte Film a Waltz with Bashir kënnt net dra vir. Niewebäi ass et komesch, dass den Jack Black presentéiert, vu dass heen d’Haaptroll a Kung Fu Panda geschwat huet.

02:09 Wall-E huet gewonn. Let’s move on.

02:11 Animéierte Kuerzfilm. La maison en petits cubes. Ah tient. E Japaner huet de Film gema a säin Englesch ass net gutt.

Slumdog Millionaire

Click here to view the embedded video.

02:14 Okay, eng kuerz Paus, da kann ech jo mol soen, dass den Hugh Jackman immens ass bis well, d’Bühn gefällt mer ganz gutt an d’Präisser ware bis ewell wéi z’erwaarden.

02:16 Art Direction. Go Ben Button! D’Carrie Breadshaw (wéi heescht et scho méi?) an den James Bond iwwereeschen de Präis. D’Bühneshow ass sou cool.

02:18 Yes, yes, yes. Ben Button gewënnt de Präis an huet e wierklech, wierklech verdéngt.

02:19 Baussen gi grad Leit grölend laanscht. Se feiere wuel Ben Button. Lo kënnt Costume Design.

02:21 The Duchess gewënnt de Präis fir d’drëtte Kéier an de läschten dräi Joer. (Marie Antoinette an de Film, deen net genannt gëtt si jo wuel den nämlechte Film wéi desen.)

02:24 A sou séier geet et. Ben Button huet schon den Oscar fir Makeup gewonn. Yes.

02:25 Uuuuuh, déi zwee aus Twilight. *gaaaaaps*

02:26 Eng Montage iwwer Romance 2008. Rot mol wéieng Musék spillt! Genee: Coldplay. “Lovers in Japan”.

The Reader

Click here to view the embedded video.

02:30 Forgetting Sarah Marshall an Nick and Norah’s Infinite Playlist gehéiren zu de Romanze vum Joer a kommen an enger Montage bei den Oscars vir. Interessant.

02:32 Best Cinematography. Ben Stiller an Natalie Portman (hach). De Stiller mecht den Joaquin Phoenix no. Cool.

02:35 An d’Slumdog Wackelkamera gewënnt. Wéi Children of Men nominéiert war hu se nach d’Schéinheet vum Bild an net d’Innovatioun gewielt. Lo ass et anescht, an eigentlech net wierklech verdéngt. Schued. De Wally Pfister hätt et verdéngt gehat.

02:40 D’Jessica Biel schwätzt iwwer d’Sci-Tech Awards. Hatt ass ontalentéiert, mee schéin. Dofir duerft et déi iwwereeschen. Mee déi Idiote vu Sky weisen se net mol. Respektlos.

02:46 Ech verstinn dat lo grad net. Ech mengen, et ass dem Judd Apatow seng Comedy-Montage. Mee et ass komesch. Schlechten Empfang kënnt na dobäi.

02:47 Den James Franco, Seth Rogen an Janusz Kaminski iwwereeschen den Oscar fir beschte Kuerzfilm an et ass Spielzeugland.

02:49 De Regisseur vum Film ass aus Ostdäitschland an huet eng Glatz. Aha.

02:53 Empfang ass lo richteg fuerchtbar. An den Hugh Jackman sengt an danzt rem. Sou wéi ech et gäer hunn. Just dat Beyoncé do op der Bühn misst net sinn.

02:56 An d’High School Musical Kanner sinn och well do. Gott bewahr.

02:59 Sou villes ass anescht. Herno wäert souguer d’Queen Latifah d’Original Song Kategorie net presentéiren. Dat ass jo awer well eng Institutioun zënter opmannst 1953. An op Sky TV schwätzen se rem nëmme Schäiss.

03:02 Ech menge lo kritt den Heath Ledger säi Präis. Christoper Walken, Kevin Kline, Cuba Gooding Jr, Alan Arkin an Joel Gray iwwereeschen. Gëtt och Zäit, dass mol rem e Präis iwwereescht gëtt. Ech wëll an d’Bett.

03:08 Lange Rede, kurzer Sinn. Den Heath Ledger huet den Oscar fir déi beschte Performance vum Joer gewonn. Säin Joker ass eng Roll fir d’Geschichtsbicher. Meng Aen si ganz éierlech liicht wässreg. Sou e wonnerbart Talent huet eis verlooss. Ech hoffen, dass et a sengem klenge Matilda weiderlieft.

03:12 Beschten Documentaire. Déi Musék am hannergrond ass fuerchtbar schéin. Doduerch gi meng Tréinen net zréck. Man on Wire… boah, all Kéier s wann ech de Petit um Seel gesinn kënnt dat immenst Gefill rem rop. An de Werner Herzog ass dat Intelligentst wat et an der Filmwelt gëtt.

03:14 De Bill Maher presentéiert. Ech si sauer mat em, well en e Freideg net ganz fein iwwer d’Kate Winslet geschwat huet.

03:15 A gewonn huet Man on Wire. Kuckt en, Jongen a Meedercher! Dee Philippe Petit ass sou en arrogant coolen Typ.  A lo direkt Documentaire Kuerzfilm.

03:18 De Gewënner ass Smile Pinki. Muss deen dann iergendwou fannen. Ech wëll, dass méi Kuerzfilmer an de Kino kommen. Se sinn oft immens, a wann net, huet ee manner Zäit verluer, wéi wann een Changeling oder Defiance kuckt. Brrrrr.

03:21 Wann op Sky TV nach eng Kéier ee seet The Dark Knight wier dest Joer “slightly ignored” ginn, geheien ech mäi Macbook d’Fënster raus. 8 Nominéirungen, krëtjëft. “If Heath would have been nominated had he been among us, is to be debated.” Fuck off, a lies e Buch. Vu Film an Oscars, keng Anung.

03:23 Okay, de Stream ass hänke bliwwen. Panik setzt an.

03:25 An et geet rem. Eng Montage iwwer Actionfilmer. MTV Movie Awards oder Oscars? Ech wees et net méi.

03:26 Uh, uh, uh. De Will Smith.

03:27 Visual Effects. The Curious Case of Benjamin Button. Oh yeah, bescht Effekter aller Zäiten. Ech soe just. Fir déi, déi sech nach dovun iwwerzeege wëllen.

03:29 D’Soundkategorien si lo drun. The Dark Knight gewënnt Editing.

03:31 An d’Bild hänkt nees. Sound Mixing wier lo drun.

03:32 Slumdog Millionaire huet gewonn. Mir deet et haut nach wéi vun deem Kaméidi, deen am Film war. Ech verstinn net, wéi dee Film do konnt nominéiert ginn.

03:34 Beschte Schnëtt. Meng Lieblingskategorie nieft dem original Dréibuch.

03:35 Ech hu well op Auto-Complete emgeschalt, ëmmer wann ech Oscar Slumdog Millionaire aginn, schreift mäin neiste selwer geschriwwene WordPress Plugin direkt Slumdog Millionaire hannendrun. Dat mecht et fir mech wesentlech méi liicht.

03:39 Ech froe mech grad wéieng Kategorien nach ausstinn, vu dass Slumdog réicht véier gewonn huet. Regie, Film, wat nach?

03:40 Ze séier geschoss, lo fällt et mer nees an: d’Musékkategorien kommen nach, déi e gewënnt.

03:42 Den Jerry Lewis gewënnt den Humanitarian Award, deen ech bis haut net verstinn. A rot wéiee Lidd an sénger Montage leeft? Genee: “Viva la Vida”.

03:44 Et war awer léif vun hinnen, dass den Eddie Murphy de Präis iwwereeschen duerft. Hat en och mol en Oscar Slumdog Millionaire an der Hand.

03:48 D’Sky TV Leit si rem um sabbelen. Nëmme Schäiss. D’Beyoncé huet anscheinend just “Dreamgirls” gedréit bis well. Hey, wat ass mat “Austin Powers: Goldmember”?

03:51 Best Original Score. Dem Alexandre Desplat séng Aarbecht fir Button ass sou wonnerschéin. Genee sou Defiance vum James Newton Howard. Milk war immens. Wall-E bezaubernd. Slumdog Millionaire kléngt besser vum Orchester bei den Oscars wéi am Film.

03:53 A scho rem D’HSM Kanner. An d’Gréit huet den Alexandre Desplat “Alejandre” ausgeschwat. Domm Klont. Slumdog huet natierlech gewonn.

03:56 Best Original Song. D’M.I.A. trëtt net op. An den John Legend séngt “Down to Earth”.

03:58 Also ech menge mol, dass dat den John Legend war.

03:58 Firwat wees ech eigentlech wen den John Legend ass?

04:02 Oscar Slumdog Millionaire. Sensationell wéi deen Auto-complete funktionnéiert. An “Jai Ho”, dat schwächsten nominéiert Lidd huet gewonn. Den Dev Patel verbréngt séng Zäit iwwregens domadder de Mond net zouzekréien a bléckt permanent ronderem sech.

04:06 De Liam Neeson an d”Freida Pinto iwwereesche lo beschten auslännesche Film.

04:07 A wéi ganz um Ufank ugekënnegt huet Departures wierklech gewonn. Major fuck-up nennen ech dat do lo mol. Mee ech hunn de Film jo net gesinn. Dese Japaner ka grad sou wéineg Englesch wéi dee virdrun.

04:11 In Memoriam. An d’Queen Latifah séngt dozou.

04:15 Schéi gema, d’Kameraschwenks ware liicht hektesch. Mee wéi all Joer si rem vill grouss Leit vun eis gaang, déi bekannt Nimm, an déi, déi am Schied fir d’Schéinheet vum Film zoustänneg waren.

04:19 D’Reese Witherspoon iwwereescht geschwënn dem Danny Boyle den Oscar Slumdog Millionaire, deen dem David Fincher zousteet, ass wéi ëmmer witzeg, mee huet e Rack un, deen deen Numm net verdingt huet.

04.21 Oscar Slumdog Millionaire.

04.23 Séng Tigger Ried war immens. Déif a méngem Häerz fannen ech den Danny Boyle jo schon immens. Mee, David Fincher…

04:25 Bescht Schauspillerin. Ass et endlech um Kate? Oder gewënnt d’Meryl Streep säin drëtten? Oder iwwerascht d’Melissa Leo?

04:27 Sofia Loren, Shirley McLaine, Halle Berry, Nicole Kidman, Marion Cotillard presentéiren.

04:28 No beschte Schauspiller ginn ech iwwregens an d’Bett.

04:29 NOT.

04:32 KAAAAAAAATE! :)

04:36 Ried vum Owend. Subjektiv an objektiv. An et geet virun bei de beschte Schauspiller.

04:37 Robert de Niro, Ben Kingsley, Anthony Hopkins, Adrien Brody a Michael Douglas heeschen d’Presentateuren. Wat e Line-up.

04:43 Ech mengen deen Typ aus Twilight ass wierklech e Vampyr. An de Sean Penn gewënnt säin zweeten Oscar!

04:45 De Sean Penn ass witzeg an den Dustin Lance Black kräischt. Dat zweet ass net sou iwweraschend, dat éischt extrem. Wat ass dann hei lass?

04:53 An de Steven Spielberg iwwereescht Slumdog Millionaire lo hieren aachten Oscar. Keng Iwweraschung. Bis d’néchst Joer. Gutt Nuecht.

]]> http://blog.pianocktail.lu/2009/02/23/oscars-liveblog-2009/feed/ 18 http://blog.pianocktail.lu/2009/02/20/dem-chris-seng-eischt-a-lascht-oscarpronosticen-fir-dest-joer-an-dnomineirungen-fir-dpianocktail-awards-an-zwar-alles-an-engem-eenzege-baitrag/ http://blog.pianocktail.lu/2009/02/20/dem-chris-seng-eischt-a-lascht-oscarpronosticen-fir-dest-joer-an-dnomineirungen-fir-dpianocktail-awards-an-zwar-alles-an-engem-eenzege-baitrag/#comments Fri, 20 Feb 2009 18:30:11 +0000 Chris http://blog.pianocktail.lu/?p=1652 Dir hutt et sécher gemierkt (oder éier net), mee ech hunn dest Joer kaum iwwer d’Oscars geschwat. Och wa mäi Lieblingsfilm vum Joer alt nees nominéiert ass, sou war dest Joer einfach net interessant fir mech. Wa Filmer wéi Frost/Nixon fir all eenzelne Präis nominéiert ginn, a Slumdog Millionaire all eenzelne Präis gewënnt, dann vergeet engem einfach de Spaass. Mee ech ka jo net e Sonndeg d’Show kucken (a livebloggen) ouni meng Pronosticen ofginn ze hunn. An éierlech gesot: et schéngt dest Joer vill ze einfach ze sinn fir Pronosticen ofzeginn. Niewebäi nach méng Pianocktail Awards Nominéirungen fir dest Joer, fir dat Ganzt e bëssen opzepeppen.

Best Actor in a Leading Role
Wäert gewannen: Sean Penn, Milk
Oder: Mickey Rourke, The Wrestler
Soll gewannen: aaaaaaaargh, Sean Penn? Mickey Rourke?

Best Actor in a Supporting Role
Wäert gewannen: Heath Ledger, The Dark Knight
Oder: haha
Soll gewannen: Heath Ledger

Best Actress in a Leading Role
Wäert gewannen: Kate Winslet, The Reader
Oder: Meryl Streep, Doubt
Soll gewannen: Kate Winslet

Best Actress in a Supporting Role
Wäert gewannen: Viola Davis, Doubt
Oder: Penélope Cruz, Vicky Cristina Barcelona
Soll gewannen: Penélope Cruz

Adapted Screenplay
Wäert gewannen: Slumdog Millionaire
Oder: Lëtzebuerg erklärt Däitschland de Krich.
Soll gewannen: The Curious Case of Benjamin Button

Best Animated Feature
Wäert gewannen: Wall-E
Oder: d’Welt geet ënner.
Soll gewannen: Wall-E

Best Art Direction
Wäert gewannen: The Curious Case of Benjamin Button
Oder: The Dark Knight
Soll gewannen: The Curious Case of Benjamin Button

Best Cinematography
Wäert gewannen: Slumdog Millionaire
Oder: The Curious Case of Benjamin Button
Soll gewannen: The Dark Knight

Best Costume Design
Wäert gewannen: The Duchess
Oder: The Curious Case of Benjamin Button
Soll gewannen: ech schwanken tëscht véier Stéck. Kee Witz.

Best Director
Wäert gewannen: Danny Boyle, Slumdog Millionaire
Oder: éier gëtt d’Show ofgesot.
Soll gewannen: David Fincher. David Fincher. Oder vläicht awer den David Fincher.

Best Documentary Feature
Wäert gewannen: Man on Wire
Oder: Trouble the Water
Soll gewannen: Man on Wire

Best Documentary Short Feature
Wäert gewannen: The Conscience of Nhem En
Oder: Smile Pinki
Soll gewannen: ech hu kee vun de Filmer gesinn.

Best Editing
Wäert gewannen: Slumdog Millionaire
Oder: d’Hell gefréiert. (Oder awer vläicht Ben Button.)
Soll gewannen: The Curious Case of Benjamin Button oder Milk

Best Foreign Language Film
Wäert gewannen: Waltz with Bashir
Oder: Entre les Murs
Soll gewannen: Waltz with Bashir

Makeup
Wäert gewannen: The Curious Case of Benjamin Button
Oder: The Dark Knight
Soll gewannen: The Curious Case of Benjamin Button

Music: Original Score
Wäert gewannen: Slumdog Millionaire
Oder: kleng Roboter iwwerhuelen d’Weltherrschaft. (Also: Wall-E)
Soll gewannen: The Curious Case of Benjamin Button

Music: Original Song
Wäert gewannen: “Jai Ho”, Slumdog Millionaire
Oder: “Down to Earth”, Wall-E
Soll gewannen: de Peter Gabriel.

Original Screenplay
Wäert gewannen: Milk
Oder: Wall-E
Soll gewannen: Wall-E

Best Picture
Wäert gewannen: Slumdog Millionaire
Oder: ech friessen e Schong. (Sécherheetshalwer son ech awer mol The Reader.)
Soll gewannen: The Curious Case of Benjamin Button

Best Animated Short Film
Wäert gewannen: Presto
Oder: Oktapodi?
Soll gewannen: ech hu se dest Joer mol eng Kéier net gesinn, muss ech na man.

Best Live Action Short Film
Wäert gewannen: Spielzeugland
Oder: Auf der Strecke
Soll gewannen: kee gesinn.

Best Sound Editing
Wäert gewannen: Wall-E
Oder: The Dark Knight
Soll gewannen: Wall-E

Best Sound Mixing
Wäert gewannen: The Dark Knight
Oder: Slumdog Millionaire
Soll gewannen: Wall-E

Achievement in Visual Effects
Wäert gewannen: The Curious Case of Benjamin Button
Oder: Iron Man
Soll gewannen: The Curious Case of Benjamin Button

A schlussendlech dat, wourop jidderee gewaart huet: d’Nominéirungen fir d’Pianocktail Awards 2008/9, déi der lo ëmmer an ëmmer rem hei opruffe kënnt:

Beschte Film

The Curious Case of Benjamin Button
Gomorra
Il Divo
Revolutionary Road
Waltz with Bashir

Bescht Regie

David Fincher, The Curious Case of Benjamin Button
Matteo Garrone, Gomorra
Paolo Sorrentino, Il Divo
Sam Mendes, Revolutionary Road
Arnaud Desplechin, Un Conte de Noël

Beschten Haaptduersteller

Leonardo DiCaprio, Revolutionary Road
Colin Farrell, In Bruges
Richard Jenkins, The Visitor
Sean Penn, Milk
Mickey Rourke, The Wrestler

Bescht Haaptduerstellerin

Cate Blanchett, The Curious Case of Benjamin Button
Sally Hawkins, Happy-Go-Lucky
Kristin Scott Thomas, Il y a longtemps que je t’aime
Michelle Williams, Wendy and Lucy
Kate Winslet, Revolutionary Road

Beschten Niewenduersteller

Mathieu Amalric, Un Conte de Noël
Gianfelice Imparato, Gomorra
Heath Ledger, The Dark Knight
Eddie Marsan, Happy-Go-Lucky
Michael Shannon, Revolutionary Road

Bescht Niewenduerstellerin
Penelope Cruz, Vicky Cristina Barcelona
Catherine Deneuve, Un Conte de Noël
Chiara Mastroianni, Un Conte de Noël
Marisa Tomei, The Wrestler
Kate Winslet, The Reader

Bescht originalt Dréibuch

Pineapple Express
Un Conte de Noël
Vicky Cristina Barcelona
Wall-E
Waltz with Bashir

Bescht adaptéiert Dréibuch

The Curious Case of Benjamin Button
Gomorra
Paranoid Park
Revolutionary Road
Slumdog Millionaire

Beschte Schnëtt

The Curious Case of Benjamin Button
Gomorra
In Bruges
Iron Man
Milk

Bescht Kamera

The Curious Case of Benjamin Button
The Dark Knight
Il Divo
Paranoid Park
Slumdog Millionaire

Bescht Art Direction

Australia
The Curious Case of Benjamin Button
Changeling
The Edge of Love
Revolutionary Road

Beschte Kostümdesign

The Curious Case of Benjamin Button
The Duchess
Happy-Go-Lucky
Milk
Revolutionary Road

Beschte Makeup

The Curious Case of Benjamin Button
The Reader
The Wrestler

Beschte Filmmusék

The Curious Case of Benjamin Button
The Dark Knight
Milk
The Reader
Waltz with Bashir

Beschte Song (geschriwwe fir e Film)

Forgetting Sarah Marshall
Slumdog Millionaire
Slumdog Millionaire
Wall*E
The Wrestler

Beschte Sound

The Curious Case of Benjamin Button
The Dark Knight
Hallam Foe
Låt de ratte komma in
Wall*E

Bescht Soundeffekter

The Curious Case of Benjamin Button
The Dark Knight
Iron Man
Kung Fu Panda
Wall*E

Beschte visuell Effekter

The Curious Case of Benjamin Button
The Dark Knight
Iron Man

Beschten animéierte Film

Kung Fu Panda
Wall*E
Waltz with Bashir

Beschten Documentaire

Encounters at the End of the World
Gonzo: The Life and Work of Dr. Hunter S. Thompson
Joy Division
Man on Wire
Waltz with Bashir

Bescht Ensemble

Gomorra
Happy-Go-Lucky
Milk
Un Conte de Noël
Vicky Cristina Barcelona

Beschten Optrëtt vun engem Objet

Stull, Burn After Reading
Seel, Man on Wire
Eve, Wall-E
Wall-E, Wall-E
Falscht Been, The Wrestler

Breakthrough Award (Schauspiller)

Michael Fassbender, Hunger
Rebecca Hall, Vicky Cristina Barcelona
David Kross, The Reader
Lina Leandersson, Låt de ratte komma in
Brandon Walters, Australia

Beschten Combination Score

Forgetting Sarah Marshall
Il Divo
Paranoid Park
Slumdog Millionaire
Vicky Cristina Barcelona

Beschten Titelsequenz/Schlussequenz

Gonzo: The Life and Work of Dr. Hunter S. Thompson
Kung Fu Panda
Milk
Slumdog Millionaire
Wall-E

Bescht Tagline

Burn after Reading, “Intelligence is relative.”
The Dark Knight, “Why so serious?”
In Bruges, “Shoot first. Sightsee later.”
Revolutionary Road, “How do you break free without breaking apart?”
W., “a life misunderestimated”

Beschten Trailer

Australia
The Curious Case of Benjamin Button
Hunger
Revolutionary Road
W.

E Film, deen ech allerdéngs gesinn hunn, a sou séier wéi méiglech rem gesi wëll, ass dem Sam Mendes séng villdiskutéiert Reunioun vum Kate Winslet a Leonardo DiCaprio op der Leinwand. Déi zwee, déi viru well schon 11 laange Joer mat hirem Schëff ënnergaang sinn, hu jo, wann iwwerhaapt meeschtens nëmmen wéinst deem Film der an d’Schnëss krut. Ech gehéiren net zu deene Leit – ech sinn nach ëmmer der Meenung, dass Titanic e méi wéi okayen Action/Dramafilm ass, dee virun allem duerch séng opulent Optik iwwerzeegt. A wat d’Kate an de Leo aus hirem dach bescheidene Script man, ass jo awer méi wéi faszinant. Ouni d’Rahmenhandlung wier de Film souguer genial. Mee bon, Kitsch muss anscheinend sinn.

Mee ech schwäifen of, eigentlech wëll ech jo iwwer Revolutionary Road schwätzen, e Film iwwert eng Koppel, déi géint dem Enn vun de 50er um Zerbriechen ass, a sech un en Dram klamert, dee se sech selwer aus Feigheet net erfëlle kënnen. De Film ass extrem intensiv – e Sträit ass numol e Sträit, an do gëtt et ellen, an et gëtt och keng Wischi-waschi-Versöhnungen. Wat sou schrecklech ass: des Leit si real, se hu Problemer, déi se zu Katastrophen opbauschen, net well se net z’evitéire sinn, mee well se an enger Zäit liewen wou Trennung net existéiert. De Frank an d’April Wheeler gehéiren net beieneen, well alles Gutts, wat se deelen, man se duerch Egoismus a permanent Angscht nees futti.

De Schlësselpersonnage am Film, ass awer den vum Michael Shannon exzellent gespillten John – e psychesch gestéierte fréiere Mathematiker, deen d’Virstadtrauma vun de Wheelers mat sou enger Präzisioun duerchbléckt, dass et bal beängstegend ass. Amplaz dass si allerdéng dorauser de Schluss zéien der Normalitéit z’erleen, gleewen se endlech ee fonnt ze hunn, dee se versteet, a mierken net, dass ronderem se alles d’nämlecht ass. An dat obwuel se dem Virstadliewen dach sou onbedéngt entfléie wëllen, fir am Endeffekt awer rem Feeler ze begoen, déi se doranner fesselen.

De Sam Mendes ass wuel den ofwiesslungsräichste Regisseur, deen et an Hollywood gëtt, erënnert Revolutionary Road op en éischte Bléck vläicht u säin éischte Film American Beauty, sou ass et trotzdem eng komplett aner Geschicht. Qualitativ bleift en allerdéngs sénger Linn trei ni e schlechte Film ze man, well no Road to Perdition an Jarhead ass och Revolutionary Road rem en absolute Succès. Dest souwuel duerch d’brilliant Adaptatioun vum Richard Yates sénger Romanvirlag, wéi och duerch d’schauspilleresch Leeschtunge vum Kate Winslet, Leonardo DiCaprio a Michael Shannon, déi allendräi eventuell souguer déi bescht Leeschtunge vun hirer Carrière bréngen. Dat ganzt ofgerond mat der wéi ëmmer genialer Kameraaarbecht vum Roger Deakins an mer hunn ee vun de wierklech beschte Filmer vum Joer 2008.

Lo sinn ech allerdéngs der Meenung, dass de Film vun den 3 fir de beschte Film nominéierte Filmer, déi ech bis ewell gesinn hunn (Frost/Nixon, Slumdog Millionaire) net extrem offällt, eventuell souguer besser ass wéi allebéid. Mee do ass eben de Problem, dee momentan eng Kritik onméiglech mecht: ech wees selwer net wéi gutt ech de Film fannen, an ech sinn an enger Situatioun an där ech mech sou na ni remfonnt hunn. Ech wees, dass de Stephen Daldry de Film net sou fäerdeg geschnidde krut, wéi en et gäere wollt – mee aschätzen, ob de Film sou vill besser hätt kënne sinn, wëll ech lo net. D’Tatsaach ass déi: de Film ass gutt wéi en ass, mee e läit schwéier um Mo. Wéi d’Buch eben och. D’Kate Winslet ass, wéi eigentlech ëmmer, absolut brillant, a gëtt déi zweetbescht schauspilleresch Leeschtung vum Joer of, no sénger eegener Aarbecht an Revolutionary Road. (Okay, do iwwerdreiwen ech wuel liicht.)

Wat ech vum Film halen – ech wees et net. Ech hunn allerdéngs extreme Respekt virun em, an dofir wäert ech an enger Woch, wa méng Top 10 Filmer vum Joer presentéiert ginn, och drun denken dem Film eng speziell Roll ze Deel ginn ze lossen. Wat déi ass, wäert der da gesinn.

“Eternal Sunshine of the Spotless Mind” hunn ech bis well an bësse méi wéi 2 Joer 21 Mol gesinn. Dat ass definitiv krank. Ech war e souguer an de Kino kucken, obwuel ech en scho 15 Mol gesinn hat. Krank!

Mee, et get fir mech keng besser Geschicht. Geschriwwe vum Charlie Kaufmann, gedréit vum Michel Gondry, mam Jim Carrey, Kate Winslet, Mark Ruffalo, Tom Wilkinson, Elijah Wood a mam Kirsten Dunst. Nummer 39 an der Imdb Top250, an 18te Plaz an enger Ëmfro nom beschte Film vum britesche Q Magazine. Bei mir ass en d’Nummer 1.

Et geet em eng Koppel, déi géigensäiteg hir Erënnerung un eneen läsche lossen, a sech awer rem gesinn an nei verléiwen. De Groussdeel vum Film begleede mer den Joel (Carrey) an d’Clementine (Winslet), wéi se probéiren d’Erënnerung am Joel séngem Gedächtnis während dem Löschprozess oprecht ze erhalen. Dobäi entstinn groussaarteg Dialoger a Szenen déi duerch d’Bild an d’visuell Effekter (déi ouni Computertechnik produzéiert sinn) sou ästhetiséiert ginn, dass mir all Kéiers d’Häerz stoe bleift. Ech mengen mäi Liewen huet sech grondleeënd geännert, wéi ech de Film fir d’éischt gesinn hunn.

Hei da mol fir déi, déi et gesi mussen, déi immensten Szen, déi et a méngen Aen get:

Click here to view the embedded video.

An dann hunn ech nach dat heie fonnt, wat natierlech immens ass. Eng Mëschung aus méngem Lieblingsfilm a méngem Lieblingslidd. Yay.

Click here to view the embedded video.

Sou, dat war et. Et war schéin.

Op dem Grommel séng Nofro hin, dann och e bësse méi, wéi just déi reng Feststellung:

Bei all Respekt, deen ech virum Martin Scorsese, Alfonso Cuarón an Alejandro Gonzalez Iñarittu hunn, dem Todd Field séng Leeschtung an “Little Children” iwwertrompt deenen dräi hir Meeschterleeschtungen, wat d’Regie betrëfft souguer nach. An dat ass fir mech en bal onméiglechen Effort.

D’Chemie tëscht de Schauspiller ass herrlech, d’Kate Winslet, de Patrick Wilson, d’Jennifer Connelly an den Jacky Earle Haley bréngen hier jeweileg Personnagen mat Iwwerzeegung riwwer an iwwerzeegen och am Dialog ënnerteneen. D’Kameraféirung bitt dem Todd Field ëmmer rem d’Méiglechkeet mat de Biller a Sequenzen ze spillen, a kann domadder effizient Zäit, déi vergeet iwwerbrécken, an dëst och visuell duerstellen.

Eppes, wat een net gewinnt ass vu Filmer, ass dass et en Off-Kommentar get. Gutt, a “Shawshank Redemption” oder “Million Dollar Baby” schlüpft de Morgan Freeman an eng Erzielerroll, mee am Géigesaz zu dësem Film, erzielt en eben aus sénger Erënnerung. Hei schwieft en allwëssenden Erzieler iwwert der Klengstad, deen d’Handlunge begleet a kommentéiert. Dëst kënnt engem am Ufank sécherlech komesch vir, mee no enger Zäit get et zu engem interessanten Nieweneffekt, deen an dat brillant Ensemble mat ageet.

Iwwer d’Geschicht wëll ech net ze vill Wierder verléiren, vu dass ech dem Grommel näicht verdiewe wëll. Mee just sou vill: ech hunn de ganze Film net op d’Auer gekuckt. Dat kënnt seele vir.

A fir déi, déi et néideg hunn: dëse Film bitt eng Alternativ fir déi Leit,  déi d’Kate Winslet wëlle plakeg gesinn, ouni nach emol Titanic ze kucken.