Antichrist (Lars von Trier)
De Lars von Trier ass vläicht mëll, mä grad esou genial – an ech sinn em onendlech dankbar dofir, dass e mer d’Méiglechkeet gëtt de Begrëff tour de force ze benotzen. Well dat ass dësen Film, deen gläichzäiteg déi schéinsten an zerstéierendste Biller vum Joer liwwert.
Et ass schon eng kleng Traditioun op Pianocktail, dass ech all Joer op meng Lieblingssäit verlinken, op där en Distributeur probéiert fir seng Filmer an d’Oscar-Course ze kréien. Fréier war dat VantageGuilds, mä no dem déi vun hirer Mammefirma Paramount gefriess gi sinn, nennt sech dat ganzt paramountguilds.com, an dir fannt do Infos zu Up in the Air vum Jason Reitman, The Lovely Bones vum Peter Jackson, Star Trek an natierlech dem absolute Frontrunner wat Oscars ugeet an dem beschte Film vum Joer: Transformers: Revenge of the Fallen.
Mä leider ass d’Säit net méi sou schéin, gesäit pupeg an oninspiréiert aus, an huet och net grad esou vill Goodies wéi fréier. Mä se ass okay.
Dass den Jason Reitman en neie film gedréit hätt, war mer bis virun engem Mount komplett onbekannt – zënterhir huet sech dat allerdéngs geännert, vu dass den Echo, deen de Film zu Telluride an Toronto bis ewell krut absolut phänomenal ass. Ech weess net, wéini ech fir d’lescht (wann iwwerhaapt) ech sou positiv Reaktiounen op e Film gesinn hunn, dee grad eréischt zwee mol fir de Public gewise gouf.
Op jidfer Fall, hei ass den Trailer, deen ech nach net an enger Versioun fonnt hunn, déi sech embedde léisst. E gesäit effektiv fantastesch aus.
A méngem éischte Bäitrag zu den Oscars virun em puer Wochen hunn ech de Film schon erwient. An iergendwéi steigt mäin Interesse drunner ëmmer méi, net nëmmen well de Film den héchste Präis beim Réimer Film Festival gewonn huet. En handelt vun engem 16jährege Meedchen, dat schwanger gëtt a säi Kand ausdréit fir et enger Koppel dono ze ginn. Regisseur ass den Jason Reitman (zweete Film no “Thank You for Smoking”), an d’Dréibuch ass geschriwwen vum Diablo Cody.
Diablo Cody? Komeschen Numm. Jo, well et ass e Pseudonym, deen hatt sech ginn huet wéi et ugefaang huet ze bloggen. Richteg gelies, eng Bloggerin um Wee zum Oscar. En Triumphzug vum Web 2.0 géif ee jo scho bal soen.
Mee vu dass sou Gedanke mech net intresséiren, mee ech extrem gespaant op de Film sinn, hei den Trailer fir ee vun de méigleche Gewënner vum Oscar fir de beschte Film 2008.
Vu dass, ech gesot krut, dass éischtens Interesse un den Oscars besteet an zweetens, ech méi schreiwe soll, fänken ech haut da mol mat engem Introduktiounsstéck fir d’Oscars un.
D’Oscars wierklech verfollegen, fänkt net mat der Red Carpet Show un an hält mam Schluss vun der Telésemissioun op. Nee, et heescht e ganzt Joer laang Artikel liesen, spekuléiren, Theorien opstellen, a mat aneren, wéi och mat sech selwer streiden, wat a virun allem wéi d’Academy wielt. Eng wichteg Saach däerf een dobäi nie vergiessen: Kee wees iergendeppes. Well och wa jidderee mengt, en hätt se duerchkuckt, mer ginn dach all Joer nees iwwerrascht mat sensationelle Gewënner an Nominéirungen. An natierlech och mat kierperlech Péng verursaachenden Omissiounen.
