EBM A-Z: Camille
EBM = ënnerbewertete Muséker. Wéi den Numm scho seet, ass dëst eng Serie, déi all Freideg op Pianocktail lafe wäert, an ee Muséker pro Buchstaw vum Alphabet virstellt. Dat hei ass déi drëtt Episode.
C Camille
D’Camille ass eng franséisch Musékerin, wat experimentell Musék mécht. Bekannt ginn, ass et duerch séng Kollaboratioun um Projet Nouvelle Vague, wou et eng vun de Sängerinne war. 2005 koum säin Duerchbroch mam Album “Le Fil” op deem sech eng Nout Si iwwer 35 Minuten duerch all d’Lidder zitt (dohir och den Numm vum Album). D’Camille setzt bei sénger Musék op d’Ausrockskraaft vu sénger Stëmm a benotzt Oversampling vu selwer produzéierte vokalen Téin als eenzegt Instrument niewt engem Kontrabass an engem Piano an.
Uspilltipp: La demeure d’un ciel
Albumtipp: Le Fil
Linktipp: Offiziell Website; Le Sac des Fans – Fansite
