Den Atelier wëll an d’Schluechthaus. Well et op der enger Säit u Konzept feelt, an bei den Uwunner u Gehier, gëtt dorauser wuel näischt. Fir all déi, déi elo traureg sinn, gëtt et awer en Dub-Mix. Musikalesch net de Wahn, mä awer toll.

The Mumpitz Show by guerilla.soundsystem

Mäi Lieblingsprojet, den Sura Open Air Kino, gëtt et net méi. Mir sinn elo den Orange Open Air Kino, präsentéiert vum Sura. Wat een dovunner ze halen huet, deelt de Federico mat:

Am Lëtzebuerger Internet schéngt e bessi eppes an d’Rullen ze kommen, ëmmer méi Nimm tauchen op, an suguer e puer Blogs. Wee gären kacht, fënnt traditionell Rezepter beim Rainbowfizzbee, Iwwerhiewlechkeet krut Konkurrenz an sou weider an sou virun. Dat fanne mir natierlech super a freen eis iwwer all Mouvement an der Twatosphere an der Blogosphere.

An dann wëll ech iech nach d’Theaterstéck “Friday” nooleen, wat um Rebecca Black sengem Lidd Friday opgebaut ass. Hilariéis. Wann iergendeen sou glécklech ass, nach näischt vum Rebecca Black héiren ze hunn, sollt dat fir t’éischt noogeholl ginn.

A propos Talent: Schlussendlech bréngen eis Frënn vun e puer aaneren Blogs hier éischt CD raus. Kaaft se. An lauschtert hier Gedichter an Erzielungen. Mir bréngen natierlech mat Zäiten eng Review an klären, ob Zeppelinen elo op CDen gepresst goufen, dee krassen lëtzebuergeschen Accent (deen ähnlech schlëmm ass wéi main) am Demo-Sampler dem Thierry oder dem Jacques gehéiert an wien d’Vanessa Wujanz ass.