D’ Holmes-Fans hu Grond zur Freed: No Joere vu mannerwäertegen, stümperhafe Versich hire Lieblingsdetektiv op den Écran ze bréngen, nodeems Nimm wéi Basil Rathbone oder Jeremy Brett scho bal vergiess goufen, ginn et säit e puer Joeren eng ganz Rei qualitativ héichwäerteg Reboots oder Neierfannunge vum Arthur Conan Doyle sengem Stoff. Et gëtt House M.D., déi dem Holmes seng Kriminalfäll a medizinesch Fäll verwandelt, et gëtt dem Guy Richie säi Sherlock Holmes, dee méi a Richtung Action-Film tendéiert, an elo gëtt et säit kuerzem och Sherlock, eng nei Série op BBC 1, vun där déi éischt Episod A Study in Pink de 25. Juli ausgestrahlt gouf.
A Study in Pink erënnert selbstverständlech un A Study in Scarlet, dat éischt Sherlock-Holmes-Buch vum Doyle. Och wann d’ Geschicht an déi modern Zäit verréckelt gouf, an och wann deen een oder anere Plotdetail verännert gouf, kann een d’ Parallelen tëscht där neier Série an deem ale Buch net iwwersinn. Zumools bei där Zeen, an där de Sherlock Holmes an den John Watson sech kenneléiere, gouf praktesch de gesamten Dialog vun 1887 bäibehal (de Watson kënnt esouguer a béide Versiounen aus dem Afghanistan-Krich heem). Den Holmes gëtt gespillt vum Benedict Cumberbatch, de Watson vum Martin Freeman (The Hitchhiker’s Guide to the Galaxy, The Office). Allebéid si se immens charismatesch, a passen op hir Rolle wéi den Nol op de Kapp. Obwuel d’ Geschicht haut spillt, huet dem Holmes seng Apparence, seng Diktioun a seng Kleedung nach ëmmer eppes vun engem viktorianeschen Dandy à la Oscar Wilde, an heiansdo dauert et bis en eng SMS schreift (säin allerléifsten Hobby, anscheinend) bis den Zuschauer sech drun erënnert, datt et net de Sherlock Holmes aus dem 19. Joerhonnert ass.
Geschriwwe gouf Sherlock vum Steven Moffat (dee fir de Reboot vun Dr. Who verantwortlech ass a mam Edgar Wright zesummen d’ Dréibuch fir deen neien Tintin geschriwwen huet) a vum Mark Gatiss (fréieren Auteur a Schauspiller fir League of Gentlemen), deen och selwer an der Série matspillt. Mat Hëllef vun deenen zwee immens cleveren Scénaristen huet Sherlock et fäerdegbruecht eng gutt Balance tëscht Spannung, Vitesse an Humor ze fannen, an dobäi nach dem Doyle trei ze bleiwen. D’ Ëmsetzung ass duerchaus originell, ech ginn dëser éischter Episod ****/**** a recommandéiere se jidderengem, dee Loscht op e gudde Krimi mat gudde Charakteren huet.
Et ass awer just eng Miniserie, an et ginn nëmmen dräi Folgen am Ganzen. Ech stëmmen denger Kritik zou. Just den House als Holmes ze bezeechnen, fannen ech e bësse wäit gedriwwen. Den House ass een Diagnostiker, wéi et der real ginn op der Welt, zum Beispill beim NIH Office of Rare Diseases Research, oder dei EURODIS.
Ech duecht House wier ganz bewosst suguer um Holmes obgebaut.
http://www.housemd-guide.com/holmesian.php
http://house.wikia.com/wiki/Gregory_House_and_Sherlock_Holmes_connections
Mer musse kucke wéi et weidergeet. BBC wëll nei Folgen, deemnowéi kommen déi dann Folgen a Form vun enger “normaler” Série, sou wäit ech weess.
-
Den Personnage House ass definitiv um Sherlock Holmes opgebaut.
a) Den Numm “Holmes” kléngt wéi “Homes”. Home->Doheem->House
b) Dem Holmes säi beschte Kolleg heescht John Watson, dem House säi beschte Kolleg heescht James Wilson
c) Den “Holmes” spillt Gei, den House spillt Piano
d) Opium -> Vicodin
e) Déi zwee kënne Mënschen op deen éischte Bléck analyséieren a kommen zu Schlussfolgerungen op déi soss kee kënnt
f) Hausnummer: 221
g) Allebéid Soziopathen
h) Dee “Béisen” aus der 2. Staffel heescht Moriarty
etc. (Stinn der wahrscheinlech nach méi op wikipedia)
-
Ech krut House deemools recommandéiert vun engem Kolleg dee wousst datt ech Holmes-Fan war, an en hat Recht wéi e gesot hat House géing mer gefalen. D’Gemeinsamkeete sinn och wierklech net ze iwwersinn, allerdengs fällt et bei deene méi ale Folge wesentlech méi op wéi bei deenen neien. Ech weess datt House keng 1 zu 1 Ëmsetzung ass, mä gleef mer: Als Holmes-Frënd huet ee sech iwwert esou eng Série wéi House gefreet ; )
@Thorben: Great minds think alike, heiansdo souguer zur selwechter Auerzäit ; )
Ech muss soen, datt mer di 1. Episod gudd gefall huet, och wa mer e bessen zevill geSMSt gouf (wéi huet en et geschafft u sämtlech Reporter bei der Pressekonferenz eng SMS ze schécken?). Soss fannen ech et mol gudd, eng mi liicht Krimiserie wi Luther (di och gudd, mee extrem depressiv war) ze gesin.
Ech hunn de Sherlock a mengem iPlayer rofgelueden, mä hat nach keng Zäit se ze kucken. Meng Meenung kënnt no. Soulaang wéi et net sou schlecht ass wéi dem Guy Richie säi Film, si mer okay. ;)
@pa: Du hues Luther gutt fonnt? Ech konnt déi Serie net viru kucken, well ech déi éischt Episod ze null fonnt hunn. Ass se duerno besser ginn?
IMHO war Luther net schlecht, heiansdo e bessen mat den Hoer herbäi gezun, mee am Groussen a Ganzen zefridde stellend. De Cliffhanger um Enn vun der Staffel… äh Serie léisst ee schon e bessen un de Fangerneel knaën.
@Chris: Du weess datt mer dem Guy Richie säi Film immens gutt gefall haat. Mä d’Série ass besser, an ech menge se wäert dir och gefaalen.
Zweet Episod huet e bëssi nogelooss (eng typësch Deuxième, wéi se am Theater soen). Freeë mech nach ëmmer immens op déi drëtt!
Hunn déi éischt well gekuckt, a fanne se wierklech gutt gemaach.
Hunn lo déi zwou eischt Episoden gesinn, ganz ok. Zumools die éischt woer relativ originell. Och wann den Sherlock ëmmer nach wéi en Möchtegern-House op mech wierkt ;)
[SPOILER, déi de Grommel net fir néideg gehal hunn ze kennzeechnen]
Mee an den Detailer hapert et heiandsdo. Wéi zb an der zweeter: uh, et ass kengem bei der Opduktioun opgefall, dass déi zwou Läichen deen selwechten Tattoo un de Féiss haten an dass dowéinst kéint eng Connectioun tëschent deenen zwee kéint bestoen … ? Do muss dann réischt en Sherlock rem dropkommen?
Oder verschidden Saachen sinn och iwwerdriwwen, wéi déi Saach mat der Auer, déi deen een Banker unhuet, wou den Sherlock an 0,3 Sekonnen erkennt, dass den Datum falsch ass an hien dorausser schléisst dass … etc. Mee bon, et si jo Geschichten. [/SPOILER]
Luther huet mer dann awer bësse besser gefall, och wann do natierlech och net ëmmer alles kohärent oder realistesch woer.
Net dass dat lo irgendeen wierklech interesséiert ;)
Spoiler much?
Not really.
An nach een: de Sherlock benotzt ongefrot dem Watson säin Laptop well dem Watson säin Passwuert anscheinend ‘evident’ ze roden gewiescht wier. Uh, da muss den Watson awer wierklech net originell a sengen Passwieder sinn resp. all basic Secherheetstips wat Passwieder ugeet, ignoréiert hunn. Well soss hätt och en Sherlock Null Chance dat einfach sou ze erroden …
Mir hunn et verstan, d’Sendung huet ëm puer Schwächten.
Kann och een, deen nitt an UK setzt an keen BBC One kritt, daat do irgendswou kucken? (Am léiwsten legal natierlech :))
Legal wuel éier net, mä du kanns de Jacques an de Grommel jo mol froen, wéi si rukomm sinn. :)
Ähem. . . Tessy, ech weess et nët. Ech si wat TV-Série betrëfft (déi ech mer zu engem ganz groussen Deel och op DVD kaafe, wa se mer gefaalen) zimlech skrupellos wann et drëm geet, um aktuelle Stand ze bleiwen. Ech mengen dee Saatz kann ech esou stoë loossen ; )
Tessy:
Ech kucken se via BlackVPN (VPN=virtual private network, doduerch kritt een zb eng englesch IP Adress): https://www.blackvpn.com/ an hat domadder nach keng Problemer. Ech kennen och nach anerer déi och ouni Problemer iwwert BlackVPN fueren. Ech kann en also wierklech recommandéieren.
Et kascht 5 Euro den Mount fir zb eng englesch IP Adress. Mat dem Code TUVCBEJ kriss de nach zwee zousätzlecher gratis dobäi.
Du muss et halt just färdeg bréngen fir op dengem PC oder Mac eng VPN ze definéieren. Ass net schwéier a sie erklären och wéi dat geet …
Wann engem 5 Euro zevill sinn oder dat ze opwenneg ass, kann een natierlech ‘klassesch’ iwwer Torrents fueren … wat awer natierlech definitiv illegal ass.
Mee ech rechtfertegen mech ëmmer domadder, dass sie mer jo keng Méiglechkeet ginn fir et direkt legal ze kafen, also sinn se selwer schold!
@Grommel: Ech ginn der Recht. Wann de lëtzebuergëschen iTunes-Store och mol géif Sérien ubidden, hätt ech dee Service ganz secher scho benotzt.
@Jacques: Jo, ech fannen och, dass Qualitéit soll remuneréiert ginn. Mee wann een mir déi Méiglechkeet net gët …
@Tessy: Et geet och mi bëlleg iwwert http://ezrss.it/search/index.php?show_name=Sherlock Iwwert d’Legalitéit soen ech näischt.
Merci fir d’Äntwerten, dann zéien ech mir den neien Sherlock och mol ran!
Grommel, deng Säit ass mol guer net sou schlecht, wäert ech mir definitiv verhaalen! Ma ech zéien dann éischter zum Jacques senger Variant, well ech daat och emmer sou mat der Musik maachen ;-)
Okay, déi Saach mat der Miniserie a just 3 Episoden huet sech da wuel erleedegt. :)
Richteg! An nëmme gutt esou! : )