Hei um Blog ass et mol rëm eng kéier roueg. Jiddereen huet grad aneres ëm d’Oueren, an eigentlech misst ech och grad schaffen, mee hei an der Bibliothéik léisst et sech och gutt bloggen.
Wat ech grad a mengem Reader fonnt hunn an iech weise well ass ee wonnerschéine Video vum Jean-Sébastien Monzani, dee, wéi ech erausfonnt hunn ee Schwäizer Graphikdesigner a Photograph ass. Hien huet sech mat Geheimnisser beschäftegt, dei jo jiddereen huet, a fuerdert den Zuschauer op ee Geheimnis mat him ze deelen, op eng léif a witzeg Art a Weis. An et ass schéin wei ee mierkt wat engem alles an de Kapp kennt.
An iwwregens, fir dei di am Summer mol ee Nomëtten nit wëssen wat se solle maachen, gitt an de Mudam. D’Sketches of Space Ausstellung ass sou eppes vun kuckenswäert (bis de 19. September), besonnesch d’Installatioun vum Raffaella Spagna an Andrea Caretto, mee wierklech, si sinn all derwäert.
Wann hien do sollt Filmer geschéckt kréien, wir et awer och flott, déi op den Internet ze stellen.
De Filmche sélwer fannen ech léiw, och wann een en “Lensflare: The Movie” kinnt nennen.
Deck léif dat doen. Ech wor Sketches nach nik kucken, mais ech hu mir hiere Site ugekuckt an ech mengen ganz, ech sollt mol goen.