Virun ëm puer Wochen huet jo bekanntlech dem Lady Gaga säin neie Video grouss Welle geschloe gehat. Bon, verzeit mer, wann ech mer lo net d’Méi maachen rauszefannen wéi dat Lidd geheescht huet, well ech weess wierklech net, wat mech u Lidd oder Video huet sollen begeeschteren.
Dofir hoffen ech da lo, dass ech aus mengem geeky Eck kann eng aner héich Well lasstrieden, an zwar mam M.I.A. sengem neie Video zu “Born Free”, der éischter Single aus sengem nächsten Album, deen den 29. Juni wäert rauskommen. Wann dat Lidd net de ganze Summer iwwerall rop a rof leeft, dann leeft eng fuerchtbar schif.
D’Lidd ass uewen verlinkt, mä de Video musst der och kucken, an zwar op dem M.I.A. senger offizieller Website.
Dat ass jo nach méi fuerchtbar ewéi Jungle Drum d’läscht Joer. -.- Kann net en anstännegt Lidd emol eng Kéier e Summerhit ginn? Giving Up The Gun vu Vampire Weekend, beispillsweis.
Ech si ganz dofir, dass Vampire Weekend e groussen Hit lande soll, mä ech gleewen net, dass dat hei iwwerhaapt zum Summerhit gëtt.
Mä bon, les goûts et les couleurs.
Nujee, en effet Affaire de Goût … Musek ass a mengen Oueren méi Kaméidi wéi soss eppes (zumools déi Deeler wou ‘gesongen’ gët), mee bon. Ech ginn jo och aal (obwuel ech zb gudden Drum&Bass ëmmer nach schätzen).
A wat d’Lady Gaga ugeet: ech fannen seng Video’en exzellent/kreativ a seng Musek meeschtens ganz ok. Gudden Pop a mengen Oueren. Mais och do natierlech: affaire de goût.
Brr… wat ass daat fir eng ELLEN Websäit. Ech hu se lo just moies um 10 Auer gekuckt a mir war de Kaffi bal aus dem Gesicht gefall.
Dat ass mat Sécherheet sou gewollt, ma et kéint en d’Leit, déi en Sënn fir Ästhetik hun virwarnen.
Alles Banausen!
Lady Gaga? Seng Videoen exzellent, seng Musek gudd? Ech haalen mech um Gedanken fest dass dat e Witz ass. Ech wees net wat un engem Video wei Telephone gudd soll sin, weder vum Konzept, vum Message, Make-up oder soss eppes.
E Sonnebrëll aus Zigaretten, Colasbechsen als Lockenwëckler, etc sinn e Plus a mengem Buch. ok, dat ass eischter de Kostüm wéi de Video … Usech huet mer de Video vun Bad Romance och besser gefall wei deen vun Telephone.
Seng Musek fannen ech plaisant. Affaire de goût wuel ;)
Zum Video vu M.I.A. – deen ass einfach krass (ech hat am Ufank guer nez gemierkt datt et soll e Museksclip senn, vu que datt ech do keng Musek raushéiren!)
Ech giff gär wessen wéi de Joki sech gefillt huet wéi en dee gesinn huet ;)
Lady Gaga – Telephone: Lidd naja, Video…wtf ? lol
Giving up the gun : macht Laune ! :)
Ma datt ech dee Clip saudomm, rëffeg an dégoutant fanne läit jo wuel op der Hand. Mä do krut ech der als Roude wahrscheinlech a mengem Liewen ze vill an d’Schnëss fir dat dote lo nach kënnen ze verdroen.
Musikalesch gesinn ass do och esou munches schifgelaf. Lauter parallel Quinten, heeeeeeeeeeeeee :P