Jo. Do steet en Schreiffeeler. An awer net.
Ech verbannen Australien ëmmer mat den Beach Boys, obwuel ech natierlech weess dass déi aus den USA kommen. Mee egal, Australien, dat Land voller ehemoleger Verbriecher, gouf vu mir bis elo eigentlech ignoréiert.
An Horse ass eng Band aus Brisbane, Australien. Mee si kléngen net wéi Plage, Sonnenschäin an Känguruh’en, mee wéi Pop. Awer sou richteg schéinen Indypop. D’Kate Cooper an den Damon Cox spillen Gitaar an Melodica an goufen fir t’éischte Kéier um SXSW bekannt, e Festival dien sech momentan zu engem vun deene beschten op der Welt mausert. Säit kuerzem ass An Horse, déi bis elo ouni Label ënnerwee woren, gesigned beim Grand Hotel Van Cleef. Geschitt wor et em mech, bei der Zeil “I’ve had little to much too think, I’ve had little to much too think.”. Ech weess net wéi et Iech geet, mä wann ech Musék lauschtren, tendéiert mäi Gehier dozou, Songzeilen am Viraus fäerdeg ze man. An et wor fir mech offensichtlech, dass deen zweeten Deel “I’ve had a little too much to drink” wier, well et reimt,an well et passt. Mä An Horse faalen net oof an déi falsch Romantik vun Alkohol.
Lauschtert mol ran. Si kënnen och méi rockeg, wéi an deem Lidd wat ech Iech hei weisen. An ech muss mech mol rem bei dem Typ mellen, dien mir eng Stage-Plaz um SXSW ugebueden huet. Hier EP gett et op iTunes, Album am Mäerz.
Hier Internetsäit.
Hieren MySpace.
:) Camp out och onbedengt lauschtren.
Et ass: “I’ve had a little too much to drink, I’ve had a little too much to think.” ;)
A schumm dech, dass de australesch Musék bis ewell ignoréiert hues. Déi hunn genial Muséker do ënnen. Wann der An Horse gefällt, kéinnt d’Lisa Mitchell der och gefalen (“Valium” ass een onwahrscheinlech schéint Lidd). A Special Patrol (Uspilltip: Lights On A Plane). Kate Miller-Heidke (“Caught in the Crowd”). Sarah Blasko (“We Won’t Run”). Bertie Blackman (“Thump”). Ech kéinnt déi Lëscht onendlech weiderféieren, mä am Eescht, d’Australier hu wierklech eng drop. :)
Pardon, ech hat déi Zeil aus dem Interwebs kopéiert :)
Ech denken amfong séier wéineg driwwer no, wéivill australesch Musek ech liesen. Vläit, well ech einfach net a Nationalitéiten denken. Ech lauschteren, wat mir gefällt. Op dat elo franséisch, däitsch, englesch, italienesch, norwegesch oder australesch ass. (Klengt bekannt?)
Wolfmother ass och eng flott Band aus Australien. Mä An Horse gefällt mir. Merci fir den Tipp. Ah, a wiesou huet sech meng Astellung vun “Hmm, naja” nodeems ech drai Zeilen gelies an d’Bild gesinn haat zu “Oh, bestemmt cool” gewandelt, wéi ech gelies hunn, daat et eng Fra matspillt?
An wiesou hunn ech virdeischt “Do stirwt en Schreiffeeler. An awer net.” gelies?
Schéin. Huet lo wonnerbar bei mäi Kaffi mat Berliner gepasst. :)
Ech hat fir d’éischt gemengt d’Fra géif d’Melodica spillen. Schlecht gelies, de Sazbau ass jo kloer. Firwat denken ech eigentlech bei Gitar spillen ëmmer direkt un e Mann?