iphoneAss d’Katz nit am Haus, danzen d’Mais um Dësch. An vue dass de Chris op der Foire de l’étudiant déi Broschüren verdeelt, déi ech mat menger Schwester gemat hunn (nächst Joer ginn se am InDesign gemaach, versprach!), dreiwen ech dann hei mäin Onwiesen. Deen een oder aneren huet den Owent gesinn, dass hei e puer mol de Site den Hicks hat, my bad.

Wat gëtt et neits?

  • De Benem haat e Logo proposéiert, deen zwar sau-gutt ausgesäit, awer dann der Direktioun vu Pianocktail SA e bëssen ze streng wor. Merci awer fir d’Ënnerstëtzung.
  • Elo gëtt all Post ugewisen an der Postlist, och déi, déi an der Featured Box sinn.
  • An de Kommentarer ginn duebel Breaking Spaces nach ëmmer net ugewissen, an ech weess net firwat. Ween mär kann hëllefen: Bitte!!! Den Tech-Bla ënnert “Lies méi…”
  • De Nic huet vergiess den 11.11. säin Countdown ze man
  • 60% vun eisen User benotzen Macs. Schmocks déi mär alleguerten sinn. De Rescht deelt sech op tëscht Windows an iPhone. Och wann ech, mat der Ausnahm vun 2 Leit, iPhone-User eekleg fannen, hu mir awer eppes fir Iech gemaach (an Palm Treo an Blackberry Storm Useren och) – et gëtt elo Pianocktail fir den iPhone. Wann där mat ärem iPhone op äerem Lieblingsblog sitt, kënnt där elo mat äre Wurschtfanger nach méi séier a genee navigéieren. Wéi dat ausgesäit kann een ob deem Screenshot hei gesinn.
  • Är RSS Feeds laafen elo duerch FeedProxy an Feedburner. Fir déi, déi en FeedReader benotzen, kann et sinn dass d’Links heiansdo e bësse komesch ausgesinn, soss ännert sech awer näischt. Dat ganzt ass gutt fir dass mär eisen Marché kënnen am An behalen, well mär jo gäre wëssen, wéivill dausend Leit all Mount kommen.
  • Ech géing gär är Meenung wëssen: Sollen déi neits Kommentaren uewen oder ënnen ugewise ginn? De Fede hat do mol gemault. Mee heen ass Italiener.

Un där heite Plaz sief dann nach eng Kéier gesot, dass där häerzlechst invitéiert sidd, äre Support fir Pianocktail duerch joinen vun eiser Facebook Grupp ze weisen, an dass mär Iech alleguerten gären hunn. Wierklech. Souguer eis Trolls.

Zum Problem mat den Kommentaren:

WordPress huet an der Versioun 2.7 säi Kommentarsystem ëmgebaut. Während fréier d’Kommentaren vun der Säit comments.php déi am Theme definéiert ass an enger Schläif erstallt goufen, ass et an der Versioun 2.7 esou, dass an der comments.php d’Funktioun wp_list_comments() opgeruff gëtt déi dee ganzen Krom iwwerhëllt. Dat mécht Theme-Design méi schlank, dreift mech awer an de Wahnsinn. Éischtens muss ech no all Update rëm d’Sprooch an den Kommentaren emprogramméieren, a zweetens hellt et d’Fräiheet fir ze tweaken. An der Datenbank ginn eidel Zeilen gespäichert mat breaks (\n). Einfach Breaks ginn an en Paragraph emgewandelt. Duebel breaks (\n\n) ginn ignoréiert. Ech hätt awer léiwer, dass eis Useren kënnen, wann se eng eidel Zeil wëllen kommentéieren, dat man. An ech fannen fir d’Frecken net raus, wou ech dat astellen. Wann een dat weess, kritt en vu mir eng Fläsch Innis & Gunn geschéckt, dee beschten Ale deen een hei kritt. An jo, ech hunn 2 Stonne laang google gefrot. An nl2br geet och net.