Déi Diskussioun iwwer den Tarantino seng Mériten an de leschten Deeg war ustrengend. Ech si kee Fan vum Tarantino als Regisseur, mä gesinn awer firwat d’Leit heen a virun allem “Pulp Fiction” genial fannen. Ech spieren dat selwer net bei deem Film, mä hey, et ka mir och net alles gefalen. Wat den Tarantino allerdéngs huet, ass, dass hie Filmer versteet an einfach e Fan ass. An dat ass dat, wat mech un deem Mann faszinéiert. Sou erfollegräich en och ass, hie bleift virun allem e Filmjunkie. An dat ass extrem cool.
Dëst beweist en an dëser Diskussioun iwwert e Film, dien ech – wéi ech eventuell mol eng Kéier kéint erwient hunn – brillant fannen: “There Will Be Blood”. Kuckt iech et un. Et ass intelligent a verständnisvoll.
ganz richteg Quentin: Kill Bill kënnt net mol an de Schied vun There will be blood, an … i’m afraid, och Basterds ass laang net an där Liga. Ass Pulp Fiction genial? Den Impakt vun deem Film war an ass einfach enorm, an dat kann een nëmme richteg vastoen, wann een de Film deemools gekuckt huet, wéi e fir d’éischt am Kino gelaf ass. Eleng schonn d’Tatsaach fir en Travolta mat engem Willis an engem Film ze weisen, absolutt onméiglech, well dem Travolta seng Karriär war sou eppes vun ‘out’ deemools. Fir d’90er war Pulp Fiction ganz sécher genial, well anescht. Haut nach genial? Vläit net méi grad sou, dono koum z.B. Lock Stock oder Snatch oder No Country for old men asw, den Effekt vum Quentin sengem Pulp ass bei deenen neie Generatioune vapufft, wat ganz normal ass. Imitatioun gehéiert dozou. What’s next? Also de Quentin soll mol e Film maachen iwwa de ZED aus Pulp Fiction, virdrun an nom “medieval at your ass”. Oder soss iergendeng Geschicht léisst sech dach bestëmmt nach fannen, fir datt de Quentin endlech mol nees e richtegt Highlight setzt. Datt hie filmen an erziele kann, ganz sécher, mä eng Story wou den Hitler an engem Kino erschoss gëtt?? Come’on, you can do betta than that. Sou ee Pitti’s Aufsatz …com’on Quentin, raise your game … like… a l-o-t.
Do panscht awer een gewalteg d’Sproch, tztztz.
Ech fannen et jo schéin, dass de dech sou fir Filmer interesséiers, mä dass de net emol eng richteg E-Mail ugi kanns, ass lächerlech. Ech si frou wann ech nei Kommentatoren hunn, mä (fir deng Aart ze kopéieren): stick to the rules.
Dovun ofgesinn hues de Recht, jo, fir seng Zäit war “Pulp Fiction” eppes besonneges, mä ech denken hautesdags vergiessen extrem vill Leit, dass en awer just am Fuerwaasser vun “sex, lies and videotape” entstoe konnt, an dohir wat independent Kino ugeet, net déi ganz grouss Revolutioun duerstellt. Kloer, strukturell an formell war et eppes absolut ongesinnenes an deem Spektrum.
Mä éierlech: den Impakt vun”Pulp Fiction” ass alles anescht wéi verpufft. D’Leit fannen dee Film nach ëmmer genial – just déi puer Auteuren vun dësem Site net sou.
Ech fannen de Pulp Fiction cool.
hei.ech och.