Während mer eis am Summerlach befannen, denken ech ass et Zäit meng Lëschtemanie an de Réckbléck op d’éischt Joerzéngt vum neie Joerdausend weider ze dreiwen. No de Regiedebüts si lo d’Telesserien drun, a well et där souvill gëtt, dierft dir dës Kéier matbestëmmen. An dësem Poll kënnt dir déi Serien auswielen, déi dir am beschte fannt a soumat d’Lëscht selwer matbestëmmen. D’Serien sinn all fir d’éischte Kéier nom 1. Januar 2000 gelaf – alphabetesch geurdent hei gelëscht, an et ass iech natierlech fräi souvill Serien unzeklicke wéi der wëllt, mä fir et interessant ze halen, géif ech soen, et wier am beschten, wa jiddereen tëscht 12 a 15 Serien auswielt. Wann ech gelifft, stëmmt just eemol of. Wann genug Stëmme rakomm sinn, wäert ech den Tri maachen an d’fäerdeg vun iech gewielte Lëscht vun de beschte Serien vum Joerzéngt publizéieren. Als Tiebreaker zielt d’Meenung vun den Auteure vu Pianocktail.
Nom Broch kënnt de Monsterpoll mat 99 méigleche Serien, wann eng feelt, schreift se dobäi. Dir kënnt och méi wéi eng Serie bäifügen. Vill Spaass beim Ofstëmmen.
A bei dem éischten “Other” Vote, ass mer direkt opgefall, dass ech vergiess hu “Firefly” vu menger Lëscht z’iwwerdroen. Also, denkt drun, dat an ärem Kapp zur Lëscht dobäi ze setzen.
Immens, lo hun ech schon een eidele Vote ofgin. Ech duecht, wat een bei Other schreiwt, kéim dohi stoen, duerfir hun ech dem Chris säi Firefly (hätt ech och nach gestëmmt) als éischt geschriwwen, ofgestëmmt, dunn méng Serien ausgewielt a konnt net méi ofstëmmen.
Okay, ‘t ass an der Reih, ech kruut lo méng aaner Serien ofgestëmmt.
Schued. Déi mannsten Serien fir déi ech ofgestëmmt hätt, stoungen an der Lëscht. Ech hunn der mol e puer bei Other geschriwwen an déi aus der Lëscht ausgewielt mat deenen ech am meeschten averstanen sinn, well ech net wollt 15 Serien antippen déi dann souwisou soss keen wielt well se net do stinn.
stoungen *net an der Lëscht
Sorry.
Argh. Vergiess et. Ech ginn schlofen.
Dat hätt mech jo lo och gewonnert, wann ech dir et hätt kënne recht maachen. “Six Feet Under” hunn ech effektiv vergiess, hat geduecht dat wier ’99 ugelaf, well et scho sou laang hir ass… mä vum Rescht, deen s de gewielt hues, hunn ech bis op eng nach ni eppes héieren.
Kompromess: Chris, du léis daat lo eng Zait laang laafen an dann kanns de emmer nach een Poll maachen fir d’final Ofstemmungen/Plaatzen. Et kann jo sinn daat vun denen 99 verschidden Serien guer net gewiehlt ginn an bei “others” der awer öfters optauchen. Fir “Six Feet Under” hätt ech z.B. och eng Stemm ofginn, hunn awer einfach net drun geduercht. An Top Gear hunn ech z.B. net dohinner geschriwen, well ech net wees, ob et als “Serie” ziehlt, well et jo net fiktiv ass.
Ahjo, an “The Middleman” ass och nach eng genial Serie.
Nee Chris, ech mengen fir deng Leschten ass Crowdsourcing keng gudd Idee ;-)
Da soen ech lo einfach mol hei, dass jiddereen, deen fir “Six Feet Under” hätt wëllen ofstëmmen, dat hei an de Kommentarer dierf nohuelen. ;)
Mä ob eng Serie lo genial ass, oder wierklech déi bescht vun de leschten 10 Joer ass jo awer eng aner Geschicht. Ech fannen zum Beispill “Monk” genial, hunn awer selwer net dofir gestëmmt. Do ass och vill “for the sake of being different” bei munchen dobäi.
Top Gear leeft zanter 1977.
Wat ech zwar net als eng vun de Beschten gewielt hätt, mä wat och eng gudd Serie ass an an der Lëscht feelt ass “Breaking Bad”.
Dat meescht vun de Serien, déi ech uginn hunn, sinn kanadescher. An effektiv ginn déi an Europa, leider, kaum ausgestrahlt.
Doctor Who leeft dann och schon sait 1963. :-P
Mä dat hei ass den neien “Doctor Who”. Déi nei “90210″ si jo och dobäi (wat iwwregens och eng top Sendung ass).
“Doctor Who” ass eng kriddeleg Saach, well et nach emmer an der original Chronologie dranhänkt a well et mam 9. Dokter ugefaang huet. Bei engem klassesche Reboot wier et erem den 1. gewiescht. Ech gin der awer Recht Chris, emmerhin heescht déi Staffel mam 9. Dokter offiziel “Season one”.
Merci, datts de Firefly nach erwient hues, ech war scho bal rem rose mat der ginn ;)
An genee esou ass Top Gear sait 2002 en reboot, wann ech mech net ieren? (Och mat néier Staffelziehlung)
Maachen mir eis all naischt vir. Och wann Serien wéi Battlestar Galactica, How I Met Your Mother oder Dexter an Europa ausgestrahlt ginn, esou kennt dach baal keen se, respektiv eben nemmen Fans/Nerds vum Gerne. Et ass jo och keng enzeg animéiert Serie am Chris senger Lescht. De Spongebob huet d’Joerzengt secherlech geprägt, mä och Animen wéi Samurai Champloo sinn deelweis extrem gudd – a nach méi onbekannt wéi kanadesch Serien ;)
SpongeBob ass ’99. Meng net ech hätt dat net nogekuckt. ;)”American Dad” steet an der Lëscht.
Merde! ;-)
Amercian Dad hunn ech bis elo nach guer net kannt, mä ech hun Family Guy immens gären, dofir wärt ech mir daat och mol ukucken.