Am Liewen geet et emmer ob an oof. Dat ass eng aal Binsenweisheet. Sou ass dat och bei eisen Frënn vun der Lëtzebuerg Privat. Huet d’Billerklauen sech no eiser Interventioun duermols reduzéiert, sou schéngt et, wéiwann hier “Grafikerin” elo rem an eng Depressioun gefall ass an rem keng Loscht ob Aarbecht huet.
Mir soen net, dass déi Biller geklaut sin, sou wäit sin eis Recherchen dëss Kéier nach net fortgeschratt. Et ass awer net ugin wou se hierkommen. An dat alleng ass schon géint d’Legislatur. Allerdéngs woen ech et och ze bezweifelen, dass d’Biller rechtméisseg kaaft sin.
3 aktuell Biller sin nom “Lies méi” Link mat den Agencenfotoen aus seriöen Zeitungen.
Wann si Biller am Internet klauen, nennen si daat einfach “gudd rechercheiert” ;-)
Desläscht war och een Artikel iwwert den FC Green Boys Harel-Iischpelt dran. Do haaten se dann d’Equipefoto einfach vum Site geholl (déi as do 535px breed) an dann mol locker iwwert eng ganz Sait gezun. D’Qualitéit war deementsprechend. Dovun mol oofgesin haat och keen mëch (als deen deen d’Foto gemaach huet) oder een Responsablen vum Verain gefrot op si déi Foto dierften drécken.
Majo, duerften se also net, also steet iech finanziell Kompensatioun zou, wann der iech da wëllt mat de Leit uleen.
An do ass de Knackpunkt. Et geet eben keen sou wäit en Affekot anzeschalten. Zwar gëtt festgestallt an sech driwwer opgereegt dat Urheberrechter gebrach ginn, mais dat war et och schon.
An natierlech, en Affekot anzeschalten well eng Zeidung eng (vläit och ganz onbedeitend) Privatfoto ofgedreckt huet ass nët evident a vierun allem finanziell keng einfach Entscheedung, och wann gudd Aussiichten op Succes bestin. Dobäi kënnt de Fakt datt een sech bal sëcher ka sinn, datt all potenziellen Kläger duech eng opgeblosen, erfonnten Story an der Zeidung öffentlech “zerrappt” gëtt – Rufmord, souwéisou dat eenzegt wat an deem Blaad bedriwwe gëtt.
Ween wëll dat schon alles fräiwëlleg op sech oplueden? Op der anrer Säit: Soll dat wierklech op éiweg hin einfach sou geduld ginn?
Wann ech bedenken wéivill Suergen verschidden Leit sech maachen, fir keen Copyright ze briechen an op Podcasts etc. verzichten, dann fannen ech et emmer erem erstaunlech, wéi “wait” een kann kommen, wann daat ganzt Geschäftsmodell dorob baséiert, Fotoen op aaneren Plaatzen ze klauen.