Hiweis: Pianocktail ass en onpoliteschen Blog. Kee wees wéieng Parteikaarten de Nic, de Joki, de Chris oder ech hun, an dat ass och gudd sou. Deen heiten Post bezitt sech ob den Web-Obtrëtt vum ADR.
Den ADR ass nach ëmmer belaascht mat der Usiicht se wieren populistesch an hätten keng richteg Motivatioun. Dat loosse mir mol am Raum stoen. Déi lescht Joëren probéiren si sech emmer méi ze repositionéiren. Aus dem Aktiounskomitee 5/6 gouf dann den Aktiounskomitee fir Demokratesch Rentengerechtegkeet an dann elo déi Alternativ Demokratesch Reformpartei.
Am Cader vun hierer Repositionéirung, déi lo schon eng Zäitchen a klengen Stéiss geet, gouf 2007 den ADR-TV agefouert. ADR TV gouf am Ufank vu ScoopTV produzéiert, déi Boîte déi zum Groupe de Presse Nicolas gehéiert. Dat mindert de Viirworf vu Populismus net, wann een wees dat dee Grupp d’Zeitung Lëtzebuerg Privat rausbréngt, eng Zeitung déi ëmmer rem duerch mangelhaften Journalismus obfällt, duerch Liggen an Hetzcampagnen. Außerdem gouf dëss Sendung am Ufank aus Café’en gefilmt. Et kéint een zwar argumentéiren, dat géing Volleksnooheet demonstréiren, aanerersäits gëtt een awer sou de Viirworf vu Stammdéschpopulismus net lass. Dat schéngen se och rausfonnt ze hun, si senden well virun neutralem Hannergrond. Awer ass et nach ëmmer eng mëttelméisseg produzéiert Sendung. Et sprécht näischt géint Amateurvideo’en generell, wann een awer well eeschtgeholl gin, muss een sou Saachen richteg man, an net hallefhäerzeg. Hallefhäerzeg ass dann och d’Tatsaach, dass déi Videoen einfach just blann robgelueden gin, an dofir entweder gestrechted, ge’letterboxed oder suguer ge’windowboxed sin. Deen eenzeg seriö’en Video ass deen vun hierem Metro City-Tunnel. Deen ass allerdéngs och vun enger Agence namens medienbox produzéiert – eng Agence aus Däitschland ugestallt vun enger Agence aus Lëtzebuerg.
Den ADR versteet dat Video’en wichteg an extrem kraaftvoll sin, mee se verstin net, wéi empfindlech se sin. Wann si hier Kandidaten an Video’en viirstellen, ass dat eng super Iddi. Mee dann dierf et net sin, dass Kandidaten do mam Sonnebrëll stin an hier Nolauschterer net an d’Aen kucken. Et ass och net rühmlech, wann een seet dass d’politesch Motivatioun ass well een “léif vu Bekannten gefrot gouf” oder behaapt seng Stäerkt wier “ech ka mech gudd upassen, ech beschwéiren mech net fir eppes, wann een mech eppes freet soen ech emmer direkt nee, dono ass et awer jo” – dann awer behapten si hätten keng Schwächten. Och Leit déi, während se iwwert den “versautenen Schoulsystem” meckeren, den Androck man se géingen vun engem Teleprompter oofliesen, den John F. Kennedy “jiiiih-efff-kaaah” vernennen wierken einfach pathetesch. Ech well dofir guernet jugéiren, ob déi Leit lo gudd oder schlecht Kandidaten sin. Mee Wahlen sin en eenzegen Schéinheetscontest. An do ass keng Platz fir éierlech Meenungen oder perséinlech Feeler, mee et geet drëms wien seng Punkten am beschten verpaakt kritt, sou dat se de Leit gefaalen. An do ass keng Platz fir dilletantesch Video’en. Et ass keen Zoufall, dat Politiker mat groussem Afloss ganz oft bal perfekt duerchchoreographéiert gin a Leit hun déi fir se hier Rieden schreiwen.
An engem Video prangert den ADR d’Slogans vun den Parteien un déi näischtsoend wieren, sou wéi “Nei Weer wielen”, “Mir paken et un”. De Slogan vun hierer Positionéirungscampagne ass – villsoend – “Maach mat!”. Fairerweis muss ee soen dat dass net hieren Slogan ass. Hinnen hieren Geniesträich, hieren neien Slogan, ass souwäit ech dat matkritt hun: Mir wëllen behalen wat mir hunn. Net nëmmen dat se mat désen Slogan vu Lénksaktivisten einfach an den Eck geréckelt gin mat deenen Brongen, nee, “ech hoffen, datt mir dat behale wat mir hunn” ass och nach en Zitat vum Jean-Claude Juncker. An villsoend ass och dése Slogan net.
Schlussendlech ass d’Homepage vum ADR net optimal. Et huet een d’Gefill, se gouf eng Kéier vu Profien entworf, an dann vun Amateuren weidergefouert. En ass iwwregens vun der Firma RDTS aus Tréier gehost. Do gëtt zum Beispill de Begrëff Blog méssbraucht (leider kann een net richteg verlinken, well se Sessions benotzen, ob dem heiten Link no Mach Mat Blog sichen). E Blog ass net einfach nemmen e Site mat Neiegkeeten. Features wéi RSS feelen. Dobäi missten se et besser wessen, den Alain an de Roy hun och hieren Blog a sin suguer ob Facebook. Woubäi just dem Alain Frast säi Blog d’Impressioun vermëttelt, hien géing d’Wichtegkeet an d’Kraaft vu sou Outil’en verstoën an en ass och hallefwegs am Web 2.0 ukomm. Zrèck zur Homepage. Do gëtt emmer rem den Design vun schlechtem Textsaatz auserneen gerappt. Emmer rëm sin – sou bei der Säit zu den Europawahlen – Grafiken, déi net zum soss professionellen Erscheinungsbild vun der Homepage passen. Et wierkt geschoustert.
Den Obtrëtt vum ADR am Internet verbockt e bëssen hiert obtrieden. An dat läit net u mangelden Suen. Eng aaner, nach méi kleng Partei, déi Lénk, maan et viir. Hieren Site ass méi kleng, wierkt awer méi seriö.
Et ass leider sou, dat bei Reklamm méi de Schäin zielt, wéi den Contenu. Dat ass menger Meenung noo net richteg, mee et ass eng Realitéit. An Réalitéiten gellen och fir den ADR. An dofir brauch eng Partei, egal ob se grouss oder kleng ass, en kohärenten Marketing. An net dat Gepiddels wat den ADR do viirleet.
Update 31 Mäerz: ech hu grad gelies, hiere Motto wier “mir wëllen erhaalen, wat mer hun”. Dat ännert natierlech alles. An eng Partei, noo däer meng Mamm a mai Papp net dierfen nieft hierer däitscher Nationalitéit déi Lëtzebuergesch “als Accessoire” (sou ongeféier den Tounfall) unhuelen (si liewen säit 46 bzw 30 Joer hei), huet keng Léisung fir mech. Och wann dat een vun hieren Slogan’en ass.
Update N°2 – 31 Mäerz: Vu Bloggen versteet och d’DP näischt. D’CSV e béssen méi an déi Gréng am meeschten. Déi Lénk wessen net wat e Video-Podcast ass.
Gudd Analyse, an: “full ack”!
Ech froen mech ganz eierlech wou d’Souen fir déi “maach mat”-Kampagn hierkommen, well déi leeft jo schon laang an virun allem op Busser, Bushaltestellen, asw. an daat sait Januar. An dann ass d’Web-Strategie awer esou schlecht bzw. gesait esou schlecht aus.
Kann awer net soen, daat ech et Schued fannen.
Iergendwei passt daat ganzt awer an hiert “Konzept” bai hinnen ass dach emmer alles sou hallew…
hallew fir euthanasie hallew dergeint,
mol fir dStaatsbeamten mol geint se,
hallew sozialistesch, hallew liberal…
schon eng lusch partei..
ech schléissen mech awer mol dem Joel un a well och wessen wou dei suen hirkommen?
haha, si sollen et all maachen wéi déi Kandidatin aus dem Osten a roueg de 7. JuLi kandidéieren.
Haha, dat ass mir nach guernet obgefall!
kruusde eigentlech nach keng job offer vun hinnen thorben?
;-D
Dach. Virun 4 Joer bei eis am Lycée.
Hunn awer ofgeleent.
Respekt, interessant Analysis!
A firwat kuckt den Mehlen ëmmer dran, wéi wann en grad op eng Zitroun gebass hätt?
just eng rectificatioun: déi lénk hun aktuell 6 video potcasts ob youtube an och ob hirer hp lenk.lu
mettlerweil gett adr-tv och net méi fum nicolas senger scoop tv produziert well den aly jaerling obgedéckt huet datt géint den här nicolas een haftbefehl an der belsch existéiert. trotzdem dann des offensichtlech partnerschaft mat scoop obgeknnegt huet bléiwt letzebuerg privat enk mat der adr verbonnen well do kritt komescherweis jidfer politiker ob d’fangeren geklappt just eis saubermänner a fraen net an dat obwuel elo een regelrechten skandal beim roy reding fum feierkrop obgedeckt gouf (cf. affaire em d’Okkultbrauerei)
ah jo, d’Suen: dat sin Steiersuen déi sech d’Chambersparteien via speziell ob si ofgestemmten Parteienfinanzeierungsgesetz selwer gestemmt hun. déi lénk kréien z.B. guer naischt
Dat do trëfft sech immens! Ech hat neemlech eng Fro un dech: wéi kënnt et, dass du ärem Site no zu Esch wunns, mä am Zentrum untrëtts? Wéi geet dat?
Claude, dat ass falsch. Déi Lénk hu kee Video-Podcast, gradsouwéineg wéi den ADR oder soss een.
Se hun einfach just Videoen, dat entsprécht awer net de Critèren vum Podcast.
Dat wor jo mäi Punkt, Parteien huelen technesch “hip” Termen an méssbrauchen se. Dat ass wéiwann een vun engem Wal-Fësch schwätzt. Kabes.
Chris: Et muss een guer net do wunnen, wou en untrett. (Komesch, mee ass esou! Waat fir eng Form Kraiz en maachen daarf ass regléiert, mee daat net!) Et mescht just méi Senn, do unzetrieden, wou een wunnt, well een jo theoretesch déi Leit vetrett an déi een jo kennen missten.
Aus verlässlechen Quellen wees ech awer, daat déi Lenk zB. net genuch Leit aus dem Norden haaten fir op hier Nordlescht.
@ thorben: also ech muss mech héi dann och als anarcho-primitivst outen deen tatsäclech net d’spuer fun enger ahnung huet wat wiirklech een video-potcast as, hun dat eben just esou ob den videon “et gett zait” fun dl gelies an duercht datt dat esou wir.
@ chris an joël: wann een sech fir een parlament obsetzt dann vertrett een eben net lokal interessen wéi dat an engem Gemengerot de Fall as mais am Fong d’Interessen fum ganzen Vollek, respektiv engem Brochdeel fun deem.Am Fong fannen ech dat et fir d’Chamberswahlen och nemmen een groussen Wahlbeziirk gin sollt.Wat béi dl nach dobai kennt: Mir hun effektiv net genuch Léit fonnt fir am Osten an am Norden ob eis Leschten. Dat huet komescherweis net domadder ze din datt mer do kéng Memberen hätten – am Norden zum Beispill hun dl ongeféier 50 Memberen – mais einfach well et fir fill Symphatisanten an memberen einfach aus perséinlechen an berufflechen Grënn net opportun as sech ze outen. Emmerhin hun mer jo fun eiser Regiirung den offiziellen Labbel “Extrem Gauche” kritt an dat bréngt et matsech datt fill Léit Benodeelegungen färten wann si géifen fir eis öffentlech obtrieden. Esou hun dl am Norden een Schäffen (an der stouséigemeng deen och untrett dat as den leo rippinger) an eng Gemengerâtin (wien an wou kann ech net soen) déi awer eben net untrett obwuel se 100% hannert eis steet.Zu menger perséinlecher situatioun: ech war schon ob der beziirkslescht süden déi och fun engem bezirkskongress akzeptéiert gin as, een dach spéider huet sech dun awer den gary diderech gemellt. dun stungen mer fir un der onglécklecher Entscheedung datt entweder den gary net kandidéieren kann oder een aus dem süden iergendwou aanescht geet. ech hun dun an den saueren apel gebass fir datt den gary awer am süden kandidéieren kann.datt ech awer elo am zentrum kandidéieren as ok fir mech well ech eben fun sandweiler sin, an der stadt an d’schoul an laang och an enger wg zu walfer gewunnt hun.a wéi gesot: obwuel ech jo definitiv guer kéng chance hun as et fir mech kloer datt wann ech gewielt géif gin d’interesse fum ganzen Vollek – kléngt bessi pathetesch – vertrieden an net nemmen déi fun den minetter oder den eislecker oder soss enger regionaler Grupp. Géifen et Regionalwahlen wéi an frankraich gin wir dat vilait aanescht.
Kloer vertrett een daat ganzt Vollek. Mee et huet een awer als Partei/Politiker en Interesse drun, vun denen Léit, déi een besser kennen, och gewiehlt kennen ze ginn, besonnesch wann een schon irgendwéi an Erscheinung getrouden ass. Denken ech op manst. An irgendwou – an daat ass vlaischt méi eng philosophesch Fro – froen ech mech awer op een net awer déi Leit (méi) vertrett oder vertrieden soll, déi een direkt gewiehlt hunn.
ech fannen datt dat fir esou e kléngt land wéi letzebuerg net wiirklech an d’gewiicht fällt wous du wunns wanns du dech fir d’chamber obstells