D’Brite gi fir villes geluewt. Zu Recht! Villes waat äus dem UK kennt, ass effektiv Top-Qualitéit.
Zumools hiren herrlechen Humor get esou oft geluewt. Wee ka schonn eppes géint Black Books, Blackadder oder Monty Python soen? Mee wann een hiren TV-Programm méi am Detail kuckt, da gesäit een, datt en am Fong méi eidel a méi banal ass, wéi ee sech daat esou virstellt. Als groussen UK-Fan muss esouguer ech zougin: D’Meeschtere vun der Telé waren nach emmer d’Amerikaner.
Et stëmmt, déi aal britesch Sitcoms si bis haut oniwwertraff. Fawlty Towers huet eng bestëmmten Zort Humor iwwerhaapt eréischt fir d’Telé méiglech gemaach, an déi Série ass net wierklech aal gin. Mee no Blackadder huet et ganz ganz laang gedauert, bis d’Brite rem ugefaang hun innovativ Sitcoms ze schreiwen. Datt Sendunge wéi ‘Gimme Gimme Gimme’ iwwerhaapt äusgestrahlt goufe weist datt déi britesch Sitcom iwwert e laangen Zäiträum an en déiwe Schlof gefall war, an an där Zäit hun d’Amerikaner d’Führung iwwerholl. Seinfeld an d’Simpsons waren d’Virleefer vun neie Méiglechkeete Sitcoms ze schreiwen an ze weisen, Situatiounskomik an Expressionismus hun hire Wee zreck op de Bildschirm fonnt, an zwar sou erfollegräich, datt se de Programm bis haut entscheedend geprägt hun.
Mee zumools an der Kategorie Drama kënne mer de Brite Virwierf maachen, well do hu mer säit laanger Zäit guer näischt Verstänneges méi vun hinnen héieren. Och dee sou oft geluewtenen Doctor Who reboot ass schlussendlech näischt aaneres wéi e bellegen Ofklatsch vun deem waat d’Amerikaner an der Kategorie Science-Fiction an de Joere virdrun établéiert hun. A wéi kéint iirgenteen och nemmen haut mat deem Professionalismus mathaalen deen d’Amerikaner hautzudaags an hir TV-Produktiounen investéieren?
Wee behaapt, amerikanesch Telé wier schlecht an niveaulos, soll sech mol Beispiller vun hirem wierklech sophistikéiertem Schreiw- a Produktiounsstil ukucken, hei komme lo e puer Beispiller:
Sendungen, déi ech regelméisseg kucken a vun deenen ech vill (wann net alles) gesin hun:
Seinfeld, The Simpsons, Southpark, Buffy the Vampire Slayer, Friends, Lost, House, Heroes, Curb your Enthusiasm, Home Improvement, Twin Peaks, Flight of the Conchords
Sendungen, déi ech mer demnächst wäert ukucken, déi och solle brilliant sin:
The Sopranos, The Wire, Six Feet Under, Desperate Housewives, The Corner, Generation Kill
Déi Qualitéit, déi eng US-Serie mettlerweil op der Telé huet, ass déi vun engem Kinosfilm. Do si sie bis elo deenen aanere sou wäit vir, an daat huet menger Meenung no wéineger mat Budget ze din, wéi mat héichprofessionelle Produzenten, Auteuren, Regisseuren a Schauspiller. Do kenne sech déi aaner all eng Scheiw ofschneiden.
A wéi gesäit et mat Lëtzebuerg äus? Dem Kommissär Kniwwel seng Fäll kennen dach net allen Eeschtes daat Eenzegt si waat mir capabel si fir d’Telé ze produzéieren? Do si jo polnesch Synchronspriecher besser Ennerhaalung! GËFF WAAKREG LËTZEBUERG! (oder fir et mat de Wierder vun engem aale Frënd ze soen: ET GEET DUER, RTL!)
Wann ee Loscht huet nach e puer nennenswäert Sendungen dozouzewäerfen, sou ass daat nëmmen erwënscht. Ech mengen ech wäert an der nächst méi iwwer Telé bloggen, do sin ech am Moment zimlech drop hänkebliwwen ;)
“Heroes” huet no der éischter Staffel ganz krass nogelooss, “Flight of the Conchords” war eng Radioserie vun der BBC an ass dunn vun den Amerikaner an eng Fernehshow emgesat ginn. Looss d’Fanger vun “The Wire” an kuck “The Shield” amplaz. Et ass em Meilen besser. “Desperate Housewives” géing ech mer net undoen. Déi éischt Staffel wor ganz okay, mee mëttlerweil ass dat zu enger Seefenoper verkomm.
Et ginn gudd britesch Saachen op der Telé. Natirlech sinn d’Briten virun allem grouss wat Panelshows ugeet, mee et gëtt zum Beispill och “Peep Show” a natirlech “The Mighty Boosh.” “After you’ve gone” bréngt mech och emmer erem zum Laachen. A natirlech “The IT Crowd”! An wat Drama ugeet, “Spooks” fannen ech gudd gemaach.
Eng amerikanesch Serie, déis de och muss gesinn hunn, ass “Damages.” Déi wahrscheinlech brilliantst a komplexten Serie, déi jemols iwwert de Bildschirm geflimmert ass.
Weider Emfeelungen sinn “Deadwood,” “Californication,” “Dirty Sexy Money” an “Pushing Daisies.”
Ah, an nach eppes wat d’Amerikaner kopéiert a versaut hunn: The Office.
A nach eng witzeg britesch Serie: Extras.
Schléissen mech dem Thierry sengem Kommentar un.
Ech perséinlech giff nach ‘House’ recommandéieren.
House rockt defintiv d’Haus, mee déi hues du jo schons gesinn! ;)
Boston Legal ass eng vun denen genialsten Serien, och wann ech eng hallew Staffel gebraucht hunn, bis ech dran waar – ged et eppes besseres wéi en dementen, schaisswütegen William Shatner als Affekot?
Den reboot vun Battlestar Galactica, falls de eppes fir Sci-Fi iwreg hues.
Ween Simpsons seet, muss och Futurama soen.
Dexter ass genee esou eng genial Serie… faalen mer der nach an? Bestemmt, mee net elo.
Grommel, bei all Respekt, mee des Kéier huet jidderee gesinn, dass wat s de genannt hues, schon erwient gouf. ;)
Wat mech bei amerikanescher Telé faszinéiert ass, dass se wierklech d’Meeschter vun der Talkshow sinn. Ech schwätze lo net vum “Jerry Springer”, mee vum Oprah, dem Ellen DeGeneres an de Late Night Talker (Jay Leno ausgeschloss). Dat ass fuerchtbar gudden Entertainment.
Meng Tipps fir Serien, natierlech: “How I Met Your Mother”, “Mad Men”, “Big Love”, “Nip/Tuck” a “Weeds”.
Niveaulos a schlecht Telé: déi däitsch. Null Eegeproduktiounen. Déi gutt Comedyserien all vun de Briten an Amis geknäipt. Alles, wat gutt ass, an een och kucke kann ass “K.D.D.”, “Türkisch für Anfänger”, “Pastewka”, “Stromberg” an natierlech Samsdes- a Sonndesoweskrimien.
*hangs head in shame*
Dei amerikanesch Versioun vun The Office as guer net esou amerikanesch,wann een bedenkt,dass se vun engem wonnerbaren briteschen Comedian gemaach get. An:Weisou as se versaut?: )
Ech ka méch dem Thierry net uschléissen a fannen, datt The Wire eng exzellent Serie war. Eng immens realistesch a roueg Serie, di engem d’Charaktèren duerch kontinuéierlech Entwécklung richteg no bruëcht huet. Vun The Shield hat ech mer just di éischt Staffel ugedin a war dun nët mi interesséiert, wéll iergendwéi just versicht gouf mat “wat hu mir sou onkonventionell korrupt Flicken” zë punkten.
Dann kann ech nach di exzellent Serie “The West Wing” erwähnen.
Ech hu méch och schon zënter laangem gefrot, wéi Lëtzebuerg mol kinnt eng richteg TV-Serie op d’Bee stellen. Wann een eng Iddi huet, kënne mer dat jo sélwer verfilmen an um .dok weisen.
Céline: Ech sot net si wier versaut. Ech sot si gouf versaut. :)
pa: Tzzz, “The Shield” entwéckelt sech just extreem lues, d’Handlungssträng ginn alleguerten iwwert e puer Staffelen ewech. An natirlech sinn d’Flicen korrupt, mee wat ee méi vun hierer Welt gesäit wat een dat och méi novollzéien kann. An de Vic ass dach esou, wéi déi meescht Leit dat selwer gäre géinge maachen: en behandelt d’Krimineller wéi de leschten Dreck an schléit hinnen och nach Zänn aus wann se sech scho längst erginn hunn. Dovunner ofgesinn spillt dem Vic säi Familieliewen emmer méi eng grouss Roll, an wat en alles muss duerch maachen wéinst sengen zwee autistesche Kanner ass zimlech hefteg. Spéitstens déi 4. Staffel wou d’Glenn Close den neien Captain gëtt mécht déi Serie absolut sehenswert. :)
Aaaah, lo wees ech och rem wat “The Shield” ass. Hat do déi alleréischt Episode gekuckt an et fuerchtbar fonnt, wéi d’Flicen de Leit d’Fress poléiren. Ech wëll sou eppes net gesinn, egal wéi gutt d’Serie dovun ofgesinn ass.
Ech sin extremst un ‘The Wire’ interesséiert, enner aanerem well eise Proff all Woch dovu schwätzt a behaapt niewt ‘The Wire’ géifen d’Sopranos wéi Teletubbies äusgesin. En huet allerdengs och gesot datt déi éischt puer Episoden extrem haart ze kucke sin, well dobäi d’Gefill opkennt, et géing een en tonneschwéiere viktorianesche Roman liesen. Ech wäert et also secher kucken, d’DVD läit direkt viru mer.
Op Heroes wierklech sou staark nogelooss huet säit der 1. Staffel weess ech net. Ech fannen héichstens datt “The Big Bad” (fir mol e Buffy-Begrëff ze benotzen) an der zweeter Staffel nët ze verschidden ass vun deem äus der éischter, sou datt d’Gefill opkënnt, se géifen emmer géint daat nämlecht kämpfen. Heroes hun ech matzen an där drëtter opgehaal mat kucken, mee d’Serie ass jo na net fäedeg äusgestrahlt an nach net op DVD an ech kucken daat gär alles an enger Kéier beieneen (mat genuch Pausen dotëscht, sou datt ech fir eng Staffel awer nach 5 Deeg – eng Woch bräuch). Vill Leit si vun der zweeter Staffel vun enger Serie enttäuscht, hun daat zimlech oft bei Heroes, Lost an och Twin Peaks héieren. Mee normalerweis sin déi meescht komescherweis mat der drëtter Staffel rem zefridden.
Flight of the Conchords tatsächlech ass en heikele Fall, vue datt et se virun der BBC och schonn als neuseelännesche Comedy Act gin ass.
Bei Heroes fannen ech ët enttäuschend, datt all Staffel-Arc dat nämlecht ass. Së hun iergend eng Visioun vun der Zoukonft a wëllen dat verhënneren. Lo um Enn vun der 3. Staffel huet séch dat liicht verbessert an ët soll och geschwënn rem gudd gin.
Zu The Wire: ech gesin di Serie als ë Portrait vun enger Staad (Baltimore) an hiren Awunner. An all Staffel kriss de quasi ën aanere Quartier mat enger aanerer gesellschaftlecher Schicht virgestallt, déi awer alleguer ënnerteneen verstréckt sin. Extrem komplex, mee awer ni oniwwersiichtlech.
Filmtechnesch ganz roueg gedréit, versicht ni effekthascheresch zë sin an huet heiansdo awer grouss Momenter, wi z. Bsp. dës Szene (di ower net stellvertriëden fir d’Serie ass) an der éischter Staffel, wou ën Tatort ënner sicht an dat just mat engem eenzege Wuërt. Am Ufank duëcht ech, muss dat lo sou vulgär sin, mee härno war ech begeeschtert: http://www.youtube.com/watch?v=KQbsnSVM1zM
Buffy fannen ech ee gudd Stéchwuert. Déi Serie ass mir esou op d’Schlappen gaangen. All Kéiers wann se een besiegt haten, gouf et nach een méi ultimativen Béisen. An wéi se um Enn endlech deen Hölleschlund vernicht hunn, an d’Auteuren gemierkt hunn dass se awer nach Béiser fir Angel brauchen, gouf et op eemol nach een aneren Hölleschlund.
Sou geet et och bei Heroes. Wéi oft kann een deen béisartegsten Géigner da besiegen an d’Enn vun der Welt verhënneren? An wéi oft kann all gottverdammte Charakter alles iwwerliewen? An der éischter Staffel sinn d’Haaptpersonnagen méi séier ewech gestuerwen wéi ee kucken konnt, an dat war gudd, well eben alles konnt geschéien. Mëttlerweil ass bal all Charakter minimum eemol gestuerwen, an si lafen trotzdem nach all ronderem. Déi drëtt Staffel Heroes ass liicht besser, mee nach emmer eng Katastrof vis-à-vis vun der éischter Staffel. D’Loft ass komplett eraus.
Wat mech un “The Wire” sou extreem suckt an wat mech dovunner ofhällt mech doduercher ze quälen ass de Fait, dass de gréissten Deel keng Schauspiller sinn. Verschiddener halen dat fir ee Geniestreech, a fannen dat realistesch, mir geet dat op de Kichelchen well et amateurhaft ass.
Weisou gouf se versaut Thierry?: )
Thierry, ech kann déch lo leider net mi fir eescht huelen, wélls de Buffy schlecht fënns. D’Staffel-arcen woren do nët dat Béscht, mee dee ganzen Style vun de Charaktèren. Sou sériö an trotzdem de Géck mat séch sélwer gemaat. An en plus de King of Popkulturreferenzen, den Xander. Dat passt bei deen aaneren Thread.
“Buffy” ass e Pianocktail-Hellegtum, wéi soss just “Scrubs”, d’Scarlett Johansson, d’Natalie Portman, Radiohead, Oasis oder de Woody Allen.
Buffy ass vum Schreiwen sou wéi vun der Produktioun hir en absolut Meeschterwierk, woubäi ech net ofstreiden dass 2-3 schwaach Episoden dobäi waren. Buffy huet säi Rezept méi wéi all aaner Série déi ech je gesin hun sou gudd wéi all Episod geännert, an d’Tatsaach datt d’Géigner emmer méi staark gin, ass jo wuel absolut noutwendeg wanns de däi Public mat esou engem Format net enttäusche wëlls. An den ‘hellmouth’ get an där ganzer Série just eng eenzeg Kéier vernicht, a mat him och déi ganz Staadt Sunnydale. An datt et méi wéi ee get gouf mengen ech schonn an där éischter Staffel gesot. Beim Angel zu LA get et awer mengen ech mol guer keen.
Ech mengen ech schreiwen demnächst mol e ganzen Artikel iwwer Buffy, fir einfach mol drophinzeweise waat daat fir e Konschtwierk ass, waat d’Storyline, archetypesch Charakteren an d’Zesummebrenge vu sou ville verschiddene Film- a Literaturgenren ass (d’Popkulturreferenze sin en offensichtleche Pluspunkt vun der Série).
Firwaat ka bei Heroes all gottverdammte Charakter alles iwwerliewen? Well d’Série ‘Heroes’ heescht, an net ‘Average Human Beings’! Fir mech ass ‘Heroes’ eng sophistikéiert Neierfindung vum amerikanesche Superheldebild, a wéi oft ass e Superman oder e Batman gestuerwen? Dobäi iwwerliewt nach laang net jidfereen d’Série…
Waat ‘The Wire’ betrefft, lo hun ech nach emmer keng Episod gesin, daat wäert sech den Owend wahrscheinlech nach änneren, mee ech hun awer mol op IMDB meng Recherche gemaach: Absolut jidferee vun de Charakteren déi ech do ugeklickt hun, get vun engem haaptberuffleche Schauspiller gespillt, a wann een hiren CV ukuckt kommen déi och net vun iirgentwou…
@Chris: Kéint een Heroes net och esou lues mol als Pianocktail-Hellegtum akzeptéiren, oder dauert daat nach bis mer eng gewessen Zuel vu Staffelen hun?
“Heroes” ass a gewësser Hisiicht Hellegtum. Mee ech muss déi drëtt Staffel nach gesinn, bevir ech dat decidéiren.
Eigentlech misste “Friends” an “E.R.” (Gott, wéi konnt ech dat na net erwienen?) eigentlech dann och zum Hellegtum gehéiren.
Ech wëll dech awer och drun erënneren, ween probéiert huet dech rem zu “Buffy” ze kréien, na laang virun deem den Andrew et geluewt huet. Ech hunn eng wichteg Roll an denger Buffy-Léift gespillt.
Ech hunn eng Buffy-CD héi leien. Daat ass awer och net meng.
Ech wees net, wéi ech un déi komm sinn. Se louch op een mol einfach sou héi. Et geht mengen ech em déi ominös Musical-Folg. Ass irgendeen interesséiert, ech kucken esou eppes jo net …
Definéier “esou eppes” :)
Once More With Feeling ass dee béschten TV-Serie-Musical, deen ech kennen.
Wann et em Serie geet, sin ech direkt beschwengt matzediskuteieren.
Fier d’eischt muss ech mol mam Jacques a Chris astemmen am Buffyhellegspriech Chouer. Fier mech geet dat iwwer Buffy raus, a gelt fier den Joss Whedon insgesamt, deen et einfach emmer rem färdeg brengt wonnerbar Dialoger ze zauberen an einfach ee Popkultur-Nerd ass, wat ech wonnerbar fannen. Och sei lescht Wierk, Dr. Horrible’s Sing-Along Blog ass absolut wonnerbar, vierun allem fier Fans vu “Once More with Feeling”. Am leifsten (a responsabel dofir dass ech mech a sei Wierk verleift hun) hun ech vun him Firefly, ee wonnerbare Spacewestern deen tragescherweis no 14 Episoden, ier et sou richteg a Fahrt konnt kommen, gecancelt gouf. Onbedingt ukucken.
Aktuell ass an den USA vun him Dollhouse ugelaf, no 5 Episoden ass awer nach schweier ze soen ob d’Serie engkeier ka richteg gudd gin, den Ufank ass nach net sou genial. Mee d’Haptduerstellerin ass cool, d’Eliza Dushku, de Buffyvereierer och als Faith bekannt.
Souwuel fier The Wire wei och d’US Versioun vun The Office muss ech eng Lanz briechen. D’US Office gouf och vum Gervais/Merchant produzeiert, an ass a mengen Aan mei witzeg wei d’Original, well et einfach ee besse mei Pepp an den Officealldaach rabrengt, an eng vun denen am beschten duergestalle Beziehungen (Jim/Pam, dei leider mettlerweil mei lahm gin ass) huet.
The Wire fannen ech fantastech realistech, dreckeg, hart, authenthesch, spannend a faszineierend. D’Storyarcs si super, dei Idee all Arc iwwer een anert Thema ze spanen fannen ech immens, sou ergett et einfach als Gesamtes ee grousst Konschtwierk. D’Figuren wierken alleguer real, a si moralesch einfach mei oder manner gro. Ann alleguer hun hier novollzeihbar Motiver. An d’Schauspiller fannen ech och absolut iwwer all Zweifel erhaben, a bis ob d’Felicia Pearson mengen ech net dass am Haaptcast een dobai ass, deen net ausgebildete Schauspiller ass. Keng Ahnung wouhier den Thierry dat huet. Mee ech muss zougin, hun The Shield als Verglaich nach net gesin, mee wart awer ob der Festplatt a wert geschwenn drukommen. Alles an allem ass et eng vu menge Lieblingsserien. An och wann et Sopranos net komplett an de Schied stellt (dofir ass den Tony ze deck), ass et einfach een Tick besser.
Heroes huet a mengen Aan och deck nogelos. Dei eischt Staffel war wierklech faszineierend, mee seit der 2. ass fier mech einfach d’Loft raus. Am Moment (dat 2. Kapitel vun der 3. Staffel) fannen ech et rem mei interessant, mee dei faszinatioun a Spannung aus der eischter Staffel huet et awer nie mei erreecht.
Damages fannen ech pseudo-komplizeiert an engem Mainstreamrahmen. Wat awer net heescht, dass et mir net gefall huet. Hu bis lo dei 1. Staffel gesin, an dei war immens spannend (d’Puzzle-System greift einfach an et ass een emmer um matfieberen), an de Konflikt Frobisher/Hewes war flott inszeneiert, ouni de Frobisher zevill als klischeierte Bösewicht duerzestellen. Vun dem hier wonnerbar Ennerhaltung, awer fier mech fehlt eppes, fier se als brilliant ze bezeechnen.
Flight of The Conchords liewt vum Bret McKenzie an Jermaine Clement, a sie ware scho vierun der BBC Serie als Grupp ennerwee, also kann een net soen dass d’Amien do eppes verschass hätten. An d’Serie ass wonnerbar, den Humor subtil an deelweis absurd, an dei 2 Dorks sin einfach liebenswürdeg. Fier mech eng aussergeweinlech a flott Comedy.
Een anert Juwel aus dem reiche Fundus u vill ze frei gecancelte Serien (damn you, Fox!!!!) ass Wonderfalls, mam herrlech charmante Caroline Dhavernas. Eng serie iwwert eng clever jonk Fra dei an engem Giftshop zu Niagara schafft an sech do an enger stressfreier Mettelmeissegkeet bewegt, well et faul ass. Bis iergendwann Objekter ufänken mat him ze schwätzen an him Obträg gin. Et ass komplett iwwerdreit, an huet en fantastechen Humor. Einfach flott fier ze kucken. Produzeiert gouf et vum Tim Minear, dee Whedonites als Co-Producer vun Angel keint bekannt fierkommen.
Weider Tipps sin: Twin Peaks, Pushing Daisies, Dead Like Me, How I Met Your Mother, Sopranos, Scrubs, Cowboy Bebop, Spaced (herrlech britesch Popkultur Comedy, vu Wright/Pegg/Frost), House, Dexter (vierun allem dei eischt 2 Seasons), Battlestar Galactica (Wierklech heichwerteg Gesellschafts Sci-fi. Heiansdo herrescht bessi Leerlaaf, mee a senge beschte Momenter ass et as good as TV gets –> cf. S04E11)