MTT = Mëttwoch Top Ten. Wéi den Numm scho seet, ass dëst eng Serie, déi all Mëttwoch op Pianocktail lafe wäert. Dat hei ass déi drëtt Episode.
Filmpouster si sou eng Saach. Wat ass e gutt Pouster? Eent, wat eppes iwwert de Film ausseet? Eent, wat d’Leit an de Kino lackelt? Eent, wat fir sech artistesch wertvoll ass? Sécher, kann een op déi dräi Saache kloer mat “Jo” äntwerten.
Sou huet e Filmpouster fir “Beowulf” sécherlech keen artistesche Reiz, bréngt et awer fäerdeg Séancen ze fëllen. Et ass vläicht net gutt, mee effizient. Anerersäits kann en effizient Pouster och säugutt sinn, sou wéi d’knätschgielt Pouster zu méngem Film vum Joer 2006 “Little Miss Sunshine”.
Dat witzegt ass, dass ech kee vun dene Filmer an den Top 10 bis well gesinn hunn, well ech se entweder verpasst hunn, se na net an dësem Deel vun der Äerd gelaf sinn oder well se mech net interesséiert hunn. Zwee Pouster hunn ech net mat an d’Wertung geholl, well et just Teaser Pouster a keng offiziell Filmpouster waren, déi der am Endeffekt an de Kinoe gesinn hutt, wéi d’Filmer bis gelaf sinn. Soss wieren se wahrscheinlech ganz uewe vertruede gewiescht (klicke fir ze vergréisseren):
Engersäits wier dat onverkenntlech dat lëschtegt Pouster zum “Simpsons Movie”, anerersäits e Pouster bei deem mäi Fanboyhäerz méi séier ufänkt ze klappen. “There Will Be Blood” kënnt den 8. Februar endlech an de Kino. Bis dohinner muss ech mech mat geleeëntlechem Läuschtre vum Jonny Greenwood séngem Score zefridde ginn, a mech vollends drop konzentréiren, dass ech bis zum 8. Februar genug Milkshakes gedronk hunn. Well dono wäert dat sech wuel anescht ufillen… Wéi och ëmmer.
Soss nach un der Top 10 laanscht geschrummt si folgend Pousteren fir “Across the Universe”, “No Country for Old Men” a “Vacancy”, déi mer alleguer gefall hunn, mee net grad gutt genug fir op d’Lëscht ze kommen.
A schließlech zu den Top 10 vu ménge léifste Filmpouster vum Joer.
#10 ONCE
(leeft net méi)
#9 MICHAEL CLAYTON
(leeft net méi)
#8 BEFORE THE DEVIL KNOWS YOU’RE DEAD
(Sortie: 18.1. Utopia)
#7 DEATH PROOF
(leeft net méi)
#6 3:10 TO YUMA
(leeft net méi)
#5 4 LUNI, 3 SAPTAMINI SI 2 ZILE
(leeft net méi)
#4 SICKO
(leeft net méi)
#3 AMERICAN GANGSTER
(momentan am Utopolis)
#2 THE SAVAGES
(Sortie: onbekannt)
#1 PERSEPOLIS
(op DVD erhältlech)
As den BEFORE THE DEVIL KNOWS YOU’RE DEAD eppes? dee leeft hei a mengen Lieblingskino an ech wees net op ech deen oder den Juno soll kucken goen als nächst
Oh, hu grad den ennertitel gelies, tschöft
Et kënnt drop un, wat s de léiwer hues. “Devil” ass éier eppes méi serieuxes, während “Juno” natierlech méi lëschteg ass. Ech perséinlech interesséire mech méi fir “Juno”, mee “Devil” huet e bessert Pouster. ;)
“Juno” soll och besser sinn, wann ech de Kritiker gleewen dierf.
http://criticstop10.com/
“Juno” op Plaz 4, “Devil” op 16. Ma der selwer e Bild.
Exzellenten Sujet! Filmpousteren sinn en effet och eng Konscht fir sech. D’Top Ten ass natiirlech affaire de goût, mee villäicht kéint een heirausser jo eng Zort Bengel man an jidereen präsentéiert seng eegen Top Ten vun 2007.
Ech man kee Bengel draus, mee feel free fir déng eegen Top 10 virzestellen.
http://www.impawards.com/
Hei fënns de déi meescht Poustren.
wei wier et mat engem all time top 10?
Bon, dofir sinn ech momentan net ze hunn, kënnt awer eventuell eng Kéier.
Momentan fënns de awer zum Beispill hei een, deen eng All-time Top 100 zesummestellt, déi interessant ass.
cool! de problem bei sou entreprisen ass just datt ee meeschtens een deck gudden vergësst… da kéint ech mech an den asch beissen!
Cool Aktioun, ech mengen ech fannen #7 an #5 am beschten. Persepolis huet mech als Film zu 100% iwerzeegt, mee als Pouster seet mer daat ganzt lo mol net vill. Waat hues dech dozou bewegt, den op déi eischt Plaatz ze setzen?
Endlech freet mol een no de Grënn! “Reasons? Who needs reasons when you got heroin!”
Am Zentrum vum Bild hu mer en Dram, dee vun engem bloe Schleier emginn ass. D’Bild ass fir sech wonnerschéin an aussokräfteg, wéi et och de Film beschreiwe kann. Niewebäi fannen ech de graphesche Stil einfach op ganzer Linn iwwerzeegend.