Wéi ech haut an de Stade Josy Barthel war fir de Fussballlännermatch Lëtzebuerg géint d’sozialistesch sowjetesch Republik Georgien (0:0) ze gesinn, sinn ech un der Zentral vun eise Beruffspompjeen op der Areler Strooss laanschtkomm. An do si mer em puer Saachen opgefall:
- Ech froe mech wen hier Slogans schreift. Well do steet dach net wierklech op enger gliesener Diir: “Mir sichen jonk Leit”, wat natierlech falsch ass, wéi all Mënsch weess. Dee Feeler ass lo nach manner schlëmm, mee ech fannen et ëmmer penibel, wann een a sou Opfuerderungen sou opfalend an onnéideg Schreiffeeler fënnt. (cf. “Mir sin dofir!” oder haut am M-Block: “Keen Geld mei fir een neie Stadion?”)
- An all ménger Perversioun hunn ech misse laachen, wéi ech den Numm vun eise Pompjeen hierer Internetsäit gesinn hunn. Nee, et ass net zum Beispill eppes Normales wéi “sapeurs-pompiers.lu” oder “pompjeen.lu”. Et ass net mol eng lächerlech Variant à la “firefighters.lu” oder “oleolefeierade.lu”. Nee, et ass … Trommelwirbel… www.incendie.lu. Vläicht sinn ech och den eenzegen, deen et witzeg fënnt, mee iergendwéi fannen ech trieft deen Numm sou eppes vun Zynismus, dass et einfach ze schéi fir wouer ze sinn ass.
- Et kënnt nach besser mat de Slogans. An hierer Afuert gesäit een och nach e wonnerschéine Logo vun de Pompjeen, mat engem Schrëftzug ronderem. Des Kéier ass allerdéngs kee Feeler dran, dee mech opregt, nee, et ass de Slogan u sech, deen ech wierklech immens fannen, well e sou blöd ass. Stellt iech mol vir, dir misst de Slogan fir eis Pompjeen kreéiren. Wat wier e wuel?
“Mir hëllefen iwwerall, zu jidfer Zäit.”? Do feelt de Witz, de Pepp, gell?
“Allzäit bereet.”? Zevill Fähnlein Fieselschweif.
“Déi mam décke Schlauch, ëmmer bereet.”? Ze eendäiteg zweedäiteg.Nee, do muss eppes aneres hir. Eppes peppeges, eppes wat de Leit weist, dass eis Pompjeen net nëmmen Feier bekämpfen, mee nach vill méi drop hunn. Eppes wat wéi dem Dirk Diggler säin Numm a Boogie Nights sou hell liicht, dass déi blo Neonstuben an deenen et geschriwwen ass explodéiren:
“Feier eleng geet eis net duer.”Autsch, alles falsch gema, setzen, 6. Et erkennt ee jo d’Intentioun, dass se soe wëllen mir läschen net nëmme Feier, mee am Endeffekt kléngt et wéi wa se soe wéilten: “Also fir sou e klengt Feierchen komme mer awer net. Do bleiwe mer léiwer an der Zentral a spillen Playstation 2. Rufft zréck un, wann der eppes weideres ze bidden hutt.” An do laachen ech da vläicht driwwer, mee e gudde Slogan gesäit anescht aus.
Ech fennen “Mir siche jonk Léit” op den Ambulanzen un sech ziemlech amüsant. :)
[kranklaach] Lo misst ee just nach wësse op hiere PR Manager e decke Geck ass oder ob dat alles nëmme Zoufäll sin… Hier Internetsäit passt jo dann och nët 100% zu hierem Slogan… Wéi wier et mat: http://www.wann-et-brennt-da-komme-mer-mee-awer-och-fir-aner-Sachen.lu
2. Punkt, éischt Zeil. Peinleche Feeler wann ee sech grad ee ganzen Absatz iwwer genau dee Feeler opgereegt huet. ;) Dass all Mënsch wees, dass dat falsch ass, bezweiflen ech, ech kennen der jiddefalls net vill déi scho jemols eng Kéier eppes vun der Äiffeler Regel héiren hunn. :)
1. Ech man hei keng Reklamm, an dofir däerf ech Feeler maachen.
2. Grad déi Plaz déi s du rausgestrach hues, ass kee Feeler.
Peinlech, peinlech Thierry. Mee du bass da wuel de beschte Beweis, dass wierklech net jidderee weess wou een en n schreift a wou net.
Tréischt dech Thierry, ech kinnt der eng ganz Partie Enseignanten nennen, déi d’Äifeler Regel (an anerer wat d’lëtzebuergesch Schreifweis ugeet) och net kennen.
Wat de Feeler ubelaangt deen de Chris ënnerstrach huet, also den /n/ am Slogan “Mir sichen jonk Leit”, do géif ech mol ganz frech behaapten, dass dat schrëftlech an engem Slogan mol guer net sou falsch ass.
An engem Slogan zielt nämlech net nëmmen den Inhalt respektiv d’Transkriptioun vun der Aussprooch, mä och d’Form. An och wann ech lo net gesinn wéi dee Slogan graphesch ëmgesat ginn ass, fannen ech “Mir siche jonk Leit” op den 1. Bléck méi “confusing” wéi “Mir sichen jonk Leit”.
Doriwwer eraus kann een et och sou interpretéieren, dass den Endungs-/n/ vu “sichen” ausgeschwat soll ginn fir eben d’Handlung (sichen) ze betounen an di gesichte Persoun e bëssen erauszezögeren : “Mir sichen … (tada) … jonk Leit!”
Ech stëmmen dem Chris prinzipiell zwar zou, dass déi Organisatiounen déi op lëtzebuergesch Reklamm maachen oder Leit rekrutéiere wëllen, sech méi Méi kinnte maachen fir hir Mammesprooch korrekt ze schreiwen. Op där anerer Säit fannen ech awer, dass et do nach vill besser Ziler gëtt fir Kritik ze üben, z.B. d’Arméi oder RTL, wéi d’Pompjeeën. ;)
Okay, kléngt plausibel.
Mee déi Links si wierklech héichgeféierlech. ;)
An niewebäi ass et net primär méng Intentioun gewiescht op dee Schreiffeeler opmierksam ze man, mee vill méi hu mech dach déi aner zwee Punkten interesséiert, woufir ech déi och als zweet resp. drëtt erwähnt hunn (dem dramateschen Effekt zu Léift, dir verstitt).
Maja, schéi Geschicht dat ganzt. Mee ech fannen awer, dat hier Reklammen optesch ganz uspriechend sin. Ween d’Reklammen mecht, wäert wuel ee vun der Gemeng sin…
ch fnnn t trrg dss dr rch wwrt s lmntbl Schn knnt bschwérn,zml sn Hld dn Chrs.
Sdd fr Jngn wnn s vr lls kmmn!ch vr ”klngt Frchn”!
LÄchrlch!TRRCH dss d’Lt d gnzn Dg kng bssr z dn hn w s Schn w dt htn nln z stzn!
[Where are the vowels?]ls b llm Rspkt, hd dr kng z dn dr wt? ch fnnn t rgndsw schn trrg dt dr sss kng m Kpp hdd w s Brfspmpjn z krtsrn. D wnnrbr rbcht d s lchtn ss j schlsslch nt s wchtg… (ps z mngn vtln Fhlrn stnn ch vll n gnz, dr knnt mch gärn vrbssrn, schlsslch ht n j n dr Schl kng Mglchkt s Grmmr nstänng z lrn. t wär flt m ntzlch dr gngt rch dvr sätzn w dn Hmbk h…)
[Where are the vowels?]mfg
Emmer erem flott, wann d’Trollen 2 Joer durno kommen.
@Joël: Absolut.
@Jean-Luc an Neckel: Ech weess guer net wou ech ufänke soll.